កំពង់ធំៈ ក្នុងមួយរយះនេះ នៅក្នុងខេត្តកំពង់ធំ មានការផ្លាស់ប្តូរ តួរនាទី មន្ត្រីរាជការជាច្រើនរូប ខ្លះត្រូវបាន ប្រកាសរួចរាល់ និងខ្លះទៀតកំពុងតែរៀបចំ គ្រោងនិងប្រកាសជាបណ្តើរៗ ។ ជាក់ស្តែងពិធីប្រកាស់ លោក ឈុន ឈន់ អតីតអភិបាលខេត្តកំពង់ធំ ក្រោយពីបានចូលនិវត្តន៍ សម្រាកនៅផ្ទះមួយរយះ
កន្លងមកក៏ត្រូវបានរាជរដ្ឋាភិបាល មានសេចក្តីទុកចិត្ត ប្រគល់តំណែងថ្មី ឲ្យបន្តអនុវត្តការងារ នៅក្នុងខេត្តកំពង់ធំ ជាប្រធានក្រុមប្រឹក្សាខេត្តកំពង់ធំ ជំនួសលោក ណាំ ទុំ អតីតប្រធានក្រុមប្រឹក្សាខេត្តកំពង់ធំ ដែលត្រូវបាន រាជរដ្ឋាភិបាល សម្រេចផ្លាស់ប្តូរភារៈកិច្ចថ្មី ។
ពិធីប្រកាស់និងប្រគល់តួនាទីភារៈកិច្ចថ្មី ដល់លោក ឈុន ឈន់ ត្រូវបានប្រារព្វឡើង នៅព្រឹកថ្ងៃទី ៩ ខែ មិថុនា ឆ្នាំ ២០១៤ ក្រោមអធិបតីភាព លោក ថោង ខុន រដ្ឋមន្ត្រីក្រសួងទេសចរណ៍ និងលោក អ៊ុត សំអន អភិបាល ខេត្តកំពង់ធំ ព្រមទាំងមន្ត្រីរាជការ ជុំវិញខេត្តចូលរួមផងដែរ។ 
