ឯកឧត្តមស្វាយសំអ៊ាងអភិបាលរងខេត្តមណ្ឌលគិរីបានមានប្រសាសន៍ ក្នុងពីធីអបអរសាទរទិវាប្រឆាំងពលកម្មកុមារនៅឯមន្ទីរអប់រំយុវជននិងកីឡាខេត្តកាលពីព្រឹកថ្ងៃទី១២ ខែមិថុនា ២០១៤នេះថាការអនុ វត្តន៍សិទ្ធិសេរីភាពកុមារបានជោគជ័យលុះត្រាតែមានការចូលរួមពីកុមារជាចាំបាច់។
ឯកឧត្តមបានលើកឡើងថា កុមារជាមូលដ្ឋាននៃការអភិវឌ្ឍសិទ្ធ សេរីភាពរបស់ខ្លួន អោយមានប្រសិទ្ធិភាព កត្តាសំខាន់គឺកុមារត្រូវធ្វើខ្លួនអោយសាកសមជា កូនល្អសិស្សល្អ ពលរដ្ឋល្អ ត្រូវជៀសវាងការប្រព្រឹត្តសកម្មភាពអត់ប្រយោជន៍ដែលនាំអោយប៉ះពាល់ ដល់ ខ្លួនឯងនិងសង្គម ដូចជា ការសែបគ្រឿងញៀនខុសច្បាប់ ការដើរលេងច្រើនមិនចូល សាលារៀន ធ្វើខ្លួនជាក្មេងទំនើងមិនស្តាប់ដំបូន្មានមាតាបិតា លោកគ្រូអ្នកគ្រូដើម។ ការគោរពសិទ្ធិសេរីភាពកុមារអាចអនុវត្តន៍បាន ជោគជ័យ អាស្រ័យដោយការចូលរួមទាំងអស់គ្នាមិនមែនមានតែថ្នាក់ដឹងនាំឬអាជ្ញាធរពាក់ព័ន្ធនោះទេ។
នាឳកាសនោះដែរ លោកសឹម សង្វាតប្រធានមន្ទីរអប់រំយុវជននិងកីឡាខេត្តមណ្ឌលគិរី ក៏បានលើកឡើងនូវពាក្យស្លោក”ទំពាំងស្នងឬស្សី” មកផ្តាំផ្ញើរនិងរំលឹកដល់សិស្សា នុសិស្ស ដែលចូលរួមនាពេលនោះ អោយខិតខំតស៊ូរៀនសូត្រដើម្បីក្លាយជាអ្នកដឹកនាំ នាពេល អនាគត់។
លោកបានបន្តថា ការរៀបចំពិធីនេះឡើងសំខាន់គឺដើម្បីប្អូនៗសិស្សានុសិស្ស ទាំង អស់សម្រាប់ថ្ងៃអនាគត់។ គ្រប់តួនាទីដូចជា សាស្ត្រាចារ្យ លោកគ្រូអ្នកគ្រូ ថា្នក់ដឹងនាំផ្សេងៗ នៅពេល ចាស់ ទៅនឹងត្រូវចូលនិវត្តន៍ ដូចច្នេះមានតែប្អូនៗក្មួយៗទាំងអស់ខិតខំរៀនសូត្រអោយបាន ខ្ពស់ទើបក្លាយជាទំពាំងស្នងឬស្សីពិតប្រាកដ។លោកបានក្រើនរំលឹកផងដែរថាមានតែ ខ្លួនឯងខិតខំដោយខ្លួនឯងប៉ុណ្ណោះទើបអាចទទួលបានជោគជ័យ។