ខេត្តមណ្ឌលគិរី បុរសម្នាក់បានរងរបួសយ៉ាងធ្ងន់ធ្ងរ ដោយសារចោរប្រើកាំបិតចាក់មកលើខ្លួនជាច្រើនកន្លែង ខណៈពេលប្លន់យករថយន្តកាមម៉ារីឆ្លាមមួយ គ្រឿងកាលពីវេលាម៉ោង៥និង៣០នាទីព្រឹកថ្ងៃទី២០ មិថុនា ២០១៤នេះ ស្ថិតតាមបណ្ដោយផ្លូវជាតិលេខ៧៦A ត្រង់ចំណុចត្រពាំងក្ងោក ព្រំប្រទល់ស្រុកពេជ្រាដា ក្រុងសែនមនោរម្យ ខេត្តមណ្ឌល គិរី ។
ប្រភពពីគ្រួសារជនរងគ្រោះបានអោយដឹងថា មុនពេលកើតហេតុបុរស់ជាជនសង្ស័យបានជួលរថយន្តរបស់ខ្លួនជិះពីខេត្តរតនគិរី មកខេត្តមណ្ឌលគិរីក្នុងតម្លៃ១៥០ដុល្លា ហើយជនរងគ្រោះត្រូវជាប្តីបានយល់ព្រមដោយបើកជូនជនសង្ស័យ មកកាន់ខេត្តមណ្ឌលគិរីដោយ រួមដំណើជាមួយប្រពន្ធនិងម្ដាយក្មេកផងដែរ។ លុះមកដល់ចំណុចកើតហេតុ ជនសង្ស័យបានឲ្យប្តីរបស់ខ្លួនឈប់រថយន្តដើម្បីបត់ជើងតូច គ្រានោះជនសង្ស័យបានយកកាំបិត ចេញពីចង្កេះ ចាក់ទៅលើប្តីរបស់គាត់ ដែលជាអ្នកបើកបររថយន្តជាច្រើនកាំបិត។
ឃើញដូច្នោះរួបគាត់ និងម្ដាយបានយំអង្វរសុំកុំសម្លាប់គាត់ ទើបជនសង្ស័យយល់ព្រមហើយក៏បានបើករថយន្តចេញ ទៅក្នុងទិសដៅឆ្ពោះមកខេត្តមណ្ឌល គិរីដោយក្នុងរថយន្តក៏មានទ្រព្យសម្បត្តិមួយចំនួនផងដែរ ដូចជា ខ្សែកផ្លាក់ទីន៣ជី និងទូរសព្ទ៥គ្រឿងផងដែរ។
លោក សូ សុវណ្ណ ស្នងការរងនគរបាលខេត្តបានឲ្យដឹងថា ជនរងគ្រោះឈ្មោះ ចាន់ សុថាវី ភេទប្រុស អាយុ៣៦ឆ្នាំ មានទីលំនៅភូមិទី១ សង្កាត់ឡាបានសៀក ក្រុងបានលុង ខេត្តរតនគិរី ជាអ្នកបើកបរបានរងរបួសធ្ងន់កំពុងសង្គ្រោះនៅមន្ទីរពេទ្យបង្អែកសែនមនោរម្យ ចំណែកពីនាក់ផ្សេងទៀតត្រូវជាប្រពន្ធនិងម្តាយក្មេងជនរងគ្រោះបានរងរបួសស្រាល។
រថយន្តមានម៉ាក់កាម៉ារីឆ្លាម ពណ៌ស្លែពាក់ស្លាក់លេខ 2N 1157 ។ លោកស្នងការរងបានបញ្ជាក់ឲ្យដឹងទៀតថា ជនសង្ស័យឈ្មោះ ង៉ូ វ៉ាន់ម៉ាញ់ ភេទប្រុស អាយុ៣៣ឆ្នាំ ជនជាតិវៀតណាម មានទីលំនៅក្នុងភូមិប៊ូកាន់ ឃុំប៊ូកាន់ ស្រុក ឡុងថាញ់ ខេត្តដុងណាយត្រូវបានកម្លាំងនគរបាលស្រុកស្នួល ខេត្តក្រចេះ ស្ទាក់ចាប់បានហើយ នៅវេលាម៉ោង៨និង១៥នាទីព្រឹក ថ្ងៃទី២០ មិថុនា ២០១៤ នេះ និងកំពុងបញ្ជូនមកខេត្តមណ្ឌលគិរី ដើម្បីកសាងសំនុំរៀងបញ្ជូនទៅតុលាការចាត់ការតាមផ្លូវច្បាប់។