កំពង់ធំ៖ បទល្មើសនេសាទកំពុងតែចាប់ផ្តើមកំរើកសារជាថ្មី ខណៈពេលដែលរដូវវស្សាឈានចូលមកដល់ ត្រីដែលនៅតាមត្រពាំងបឹងបួរ បានមានឳកាសហែលរកទីជម្រកថ្មី ដើម្បីបន្តការពងកូន ក៏ជាស្របពេលដែល ជនល្មើសមួយចំនួន ឆ្លៀតឳកាសបំពាន់ច្បាប់ ស្ទាក់ចាប់ត្រីប្រដេញទឹកដោយប្រើប្រាស់ ឧបករណ៍នេសាទខុសច្បាប់ ទាំងការឆក់ រាយមងក្រឡាញឹក ដាក់អ៊ុយ លប ចាប់គ្មានសល់ ទើបខណ្ទរដ្ឋបាលជលផល កំពង់ធំ បានដាក់វិធានការក្តៅ ទៅលើផ្នែក សង្កាត់រដ្ឋបាលជលផល បន្តកិច្ចការពារធនធានមឆ្ឆាជាតិ បង្ក្រាបជនឆ្លៀតឳកាស។
សកម្មភាពការបង្ក្រាបបទល្មើសនេសាទ ត្រូវបានចាប់ផ្តើមអនុវត្តន៍ដូចភ្លៀងរលឹម គ្រប់ផ្នែកសង្កាត់ ចាប់បាន ឧបករណ៍ នេសាទខុសច្បាប់ជាច្រើនករណី មិនតែប៉ុណ្ណោះជនល្មើសត្រូវបានកសាងសំណុំរឿងទៅតុលាការ តែក្នុងនោះដែរ ខណ្ទរដ្ឋបាលជលផលកំពង់ធំ បានធ្វើការផ្សព្វផ្សាយច្បាប់នានា ស្តីពីច្បាប់ជលផល និងការអភិរក្ស ធនធានមឆ្ឆាជាតិ និងផលប៉ះពាល់ដល់ត្រីពងកូន ក្នុងរដូវបិទនេសាទ និងបានធ្វើអំពាវនាវឲ្យ ប្រជាពលរដ្ឋ សិស្សានុសិស្ស កងកម្លាំងចូលរួម
ថែរក្សាការពារ ផ្តល់ពត៌មាន ដើម្បីទប់ស្កាត់ការលួចនេសាទត្រីដោយខុសច្បាប់ និងចូលរួមអនុវត្តន៍ អនុសាសន៍ទាំង៧ ចំណុច របស់សម្តេចអគ្គមហាសេនាបតីតេជោ ហ៊ុន សែន ឲ្យបាន ខ្ជាប់ខ្ជួនពិសេសកន្លែងអភិរក្សជលផល ខណ្ឌរដ្ឋបាលជលផលត្រូវ ពង្រឹងការអនុវត្តច្បាប់ ដោយទប់ស្កាត់ និងចុះបង្ក្រាបបទល្មើស ជលផលជាប្រចាំពិសេសគឺ តំបន់អភិរក្សជលផលដោយសហការជាមួយអ្នកពាក់ព័ន្ធ ដែលមានសមត្ថកិច្ច ។
លោ ប៉ែន វណ្ណរិទ្ធ មានឲ្យដឹងថា ដោយឡែក ស្ថានភាពអាកាសធាតុមានការប្រែប្រួល ដោយមានខ្យល់កន្ត្រាក់ជាច្រើនលើក និង មានអាកាសធាតុក្តៅខ្លាំង បណ្តាលឲ្យត្រីងាប់ចំនួន០៣លើកនៅកន្លែងអភិរក្សជលផលទន្លឆ្មារ និងមានភ្លើងឆេះព្រៃ ចំនួន ០១លើក ស្ថានភាពកំពស់ទឹកបឹងទន្លេសាបឡើងខ្ពស់ជាងខែឧសភា ប្រមាណ៥០ សង្ទីម៉ែត្រ ។
ចំណែកកិច្ចសហការ ក្នុងការចុះបង្ក្រាបបទល្មើសនេសាទ សរុបចំនួន៥៦ករណី និងរុះរើ និងបំផ្លាញចោល ឧបករណ៏នេសាទល្មើសច្បាប់ចំនួន៥៤ ករណី ក្នុងនោះមាន បាំងធ្នស់ ៣របាំង៦៣មលប ៤បង្គោល៨.៦៥៥ដើម -របាំងសាច់អួនព្រូលសាច់ក្រហម១៣៧របាំងស្មើរនិង១១.៩៧០ម លូ ១៩៥ឡុក១៣៥មងរាយ ៣.៤០០ម៉អួន៨វង់៥៥៣ម៉សម្រាស់៥ដុំ=៤០០ម២-ចាក់ត្រីលែង៧៤៨គ.ក-លែងកូនត្រីរ៉ស់/ត្រីឆ្តោ៣០.0០០ក្បាល។ ក្នុងនោះដែរ លោក ប៉ែន វណ្ណរិទ្ធ បានហាមមិនឲ្យមន្ត្រីជលផលណាម្នាក់ ដែលចំណុះឲ្យខណ្ទកំពង់ធំ មានការឃុបឃិត ស៊ីសំណូក សូកប៉ាន់ ជាមួយជនល្មើស ដើម្បីបំផ្លាញ់មឆ្ឆាជាតិជាដាច់ខាត ។