ក្រសួងការពារជាតិ របស់ប្រទេសអាហ្វហ្គានីស្ថាន បានប្រកាស់ឲ្យដឹងថា ពួកសកម្ម ប្រយុទ្ធ២០នាក់ ត្រូវបាន សម្លាប់និង ២៥ នាក់ផ្សេងទៀតរងរបួស ក្នុងអំឡុងពេល នៃប្រតិបត្ដិការយោធាដាច់ដោយឡែកមួយ ដែលបាន ធ្វើឡើងដោយកងទ័ព
អាហ្វហ្គានីស្ថាន ក្នុងរយៈពេល ២៤ ម៉ោង។ ក្រសួងនេះ បាននិយាយនៅក្នុងសេចក្តីថ្លែងការណ៍មួយថា "អ្នកជំនាញកងទ័ពអាហ្វហ្គានីស្ថាន បានដោះគ្រាប់ បែកចំនួន៤០គ្រាប់តាមដងផ្លូវ ។ កងទ័ពក៏រឹបអូសយកបាន អាវបំពាក់គ្រាប់បែក អត្តឃាតចំនួន១០០សម្រាប់ និងបានរកឃើញគ្រឿងផ្ទុះ១០០ គីឡូក្រាម ក្នុងអំឡុងពេល ប្រតិបត្ដិការនេះផងដែរ"។ កងទាហានពីរនាក់ ក៏ត្រូវ បានស្លាប់នៅក្នុងប្រតិបត្តិការនេះផងដែរ។
លើសពីនេះទៀត សមាជិកទាំងប្រាំនាក់ នៃក្រុមប្រដាប់អាវុធទាំងពីរ ត្រូវបានសម្លាប់ នៅក្នុងការផ្ទុះអាវុធមួយ នៅក្នុងខេត្ត Kunduz ភាគខាងជើងប្រទេសកាលពីព្រឹកថ្ងៃសៅរ៍។ គួរបញ្ជាក់ថា អំពើហិង្សាដែលដឹកនាំ ដោយពួកតាលីបង់ បានបន្តនៅក្នុងប្រទេសអាហ្វហ្គានីស្ថាន។ ហើយ កងកម្លាំង សន្តិសុខបានខិតខំប្រឹងប្រែង ដើម្បីលុបបំបាត់ឲ្យអស់ នូវពួកសកម្មប្រយុទ្ធ ក្នុងខេត្តដែល កំពុងមានភាពជ្រួលច្របល់ទាំងអស់នេះ៕