ក្រុងប៉ោយប៉ែត៖ ពលករខ្មែរនាំគ្នាសំរុកចូលស្នាក់កាប៉ូលិសអន្តោប្រវេសដើម្បីធ្វើបណ្ណ័ឆ្លងដែនទៅរកការងារធ្វើក្នុងដីថៃ ប៉ុន្តែប៉ូលិសនៅទីនោះ មិនព្រមធ្វើបណ្ណ័ជូនទេ សំរាប់អ្នកនៅខេត្តឆ្ងាយគឺទទួលចេញបណ្ណ័ជូនតែពលរដ្ឋ២ស្រុកប៉ុណ្ណោះ ក្នុងខេត្តបន្ទាយមានជ័យ។ សូមបញ្ជាក់ដែលថា ក្នុងហេតុកាដែលពលករខ្មែរជាច្រើនអ្នក កំពុងនាំគ្នាសំរុកចូលទៅក្នុងទីស្នាក់កាប៉ូលិសអន្តោប្រវេស៏ ច្រកទ្វារអន្តរជាតិប៉ោយប៉ែតនោះ
គឺកើតមានកាលពីព្រឹកថ្ងៃទី០២ ខែកក្កដា ឆ្នាំ២០១៤នេះតែម្តង ក្នុងអង្គភាពខាងលើនោះ ប៉ុន្តែក្រុមប៉ូលិសអន្តោប្រវេសច្រកទ្វារបដិសេធមិនធ្វើបណ្ណ័ឆ្លងដែនជូនពលរដ្ឋទាំងនោះឡើយទួសជាក្នុងតម្លៃណាក៏ដោយ។ គួរំលឹកដែលថា ចាប់ពីថ្ងៃទី២៤ ខែមិថុនាមកម្លេះគេបានសង្គេតឃើញមានពលករខ្មែរខ្លះនាំគ្នាសំរុកទៅរកការងារធ្វើវិញ បន្ទាប់ពីមានកាអនុញ្ញាតិទទួលស្គាល់ពលកខ្មែរវិញ ពីក្រុមទាហ៊ានថៃ ដូចជាក្រុមសហគ្រាសថៃមួយចំនួនធំ ដើម្បីអោយពលរដ្ឋទាំងនោះចូលទៅធ្វើកាវិញនោះ ក្រោយមកគេក៏សង្គេតឃើញពលរដ្ឋជាច្រើននាំគ្នាសំរុកមកធ្វើបណ្ណ័ឆ្លងដែនភ្លូកទឹកភ្លូកដីតែ ម្តង ។
មានពលរដ្ឋជាច្រើដែលមិនបានធ្វើបណ្ណ័ឆ្លងដែននោះបានបញ្ជាក់ថា ដំបូងពួកគេលឺថា សម្តេចបានចេញអនុក្រឹត្យរឿងសេវា៤$សំរាប់ធ្វើបណ្ណ័ទៅរកការងារធ្វើនៅប្រទេសក្រៅនោះ ពលរដ្ឋបន្តទៀតថា មានពលរដ្ឋមកពីបណ្តាខេត្តនានាក្នុងប្រទេសកម្ពុជា នាំគ្នាសំរុកទៅរកធ្វើបណ្ណ័រហូតមកដល់ក្រុងប៉ោយប៉ែត ដោយអ្នកខ្លះស្នាក់នៅ៥យប់ ៥ថ្ងៃហើយនៅតែរកកន្លែងធ្វើបណ្ណ័៤$មិនឃើញ ទើបនាំគ្នាសំរុកចូលស្នាក់កាប៉ូលិសអន្តោប្រវេសតែម្តង នៅតែធ្វើបណ្ណ័ទៅប្រទេសថៃមិនបានទៀតនោះ បងប្អូនទាំងនោះ បន្តទៀតថា មានពលរដ្ឋខ្លះចេញទៅតាមច្រករបៀងពេលយប់នៅចំណុចច្រករបៀងប៉ូលិស៩១១ និងច្រកផ្សេងៗទៀតពីព្រោះមិនអាចទៅក្រោយវិញបាននោះទេ។
មន្ត្រីច្រកទ្វារអន្តរជាតិប៉ោយប៉ែតបានបញ្ជាក់ថា ចាប់ពីថ្ងៃទី២៤ ខែមិថុនា ឆ្នាំ២០១៤នេះ គឺមានពលករខ្មែរចេញទៅប្រទេសថៃតាមច្រកទ្វារខាងលើគឺមានចំនួនជាង១ម៉ឺន៣ពាន់អ្នកហើយ តាមរយះនៃកាធ្វើបត័តាំងដាវ រឺហៅបណ្ណ័សំរាប់ពលករនៅចំណុចខ្លងឡឹក ច្រកទ្វារអន្តរជាតិថៃ ក្នុងស្រុកអារញ្ញ័ ខេត្តស្រះកែវ មន្ត្រីរូបនោះបានបញ្ជាក់ទៀតថា ឥឡូវនេះមានក្រុមហ៊ុនថៃមួយភាគធំបានទៅយកពលករខ្មែរដល់ស្រុកកំណើតតាមបណ្តាខេត្តដោយធានាទទួលខុសត្រូវចេញលិខិតស្នាមជូនមិនអស់លុយទៀតផង ឯក្រុមហ៊ុនទាំងនោះភាគច្រើនគឺក្រុមហ៊ុន
ដែលប្រកបមុខរបរផ្នែកកសិកម្មតែប៉ុណ្ណោះ ក្រៅពីនោះគឺលោកអត់ដឹងរឿងអ្វីត៏ទៅទឿតទេ ដោយឡែកលោកស៊ីម សំអាត ប្រធានការិយាល័យប៉ូលិសអន្តោប្រវេសច្រកទ្វារអន្តរជាតិប៉ោយប៉ែត បានបញ្ជាក់ថា ខាងលោកទទួលធ្វើបណ្ណ័ជួនពលរដ្ឋខ្មែរ ដែលរស់នៅក្រុងប៉ោយប៉ែត និងស្រុកអូជ្រៅប៉ុណ្ណោះ ក្រៅពីនោះគឺលោកអត់ធ្វើជូនទេ លោកបានបន្តទៀតថា គួតែបងប្អូនពលករខ្មែរទៅរកទីតាំងណាដែលធ្វើបណ្ណ័ឆ្លងដែនត្រឹមត្រូវដែលរដ្ឋាភិបាលបានកំណត់នោះទៅ ឯខាងលោកមិនដាច់ខាតគឺមិនធ្វើជូនទេ៕ដោយពៅរី