ខេត្តសីហនុ៖ ព្រឹកថ្ងៃទី៧ មីនា ២០១៩ អភិបាលខេត្តព្រះសីហនុ ឯកឧត្តម យន្ត មីន បានទៅមើលទីតាំង វារីវប្បកម្ម(កន្លែងចិញ្ចឹមបង្គា ក្ដាម)របស់ក្រុមហ៊ុន ហេងហេង អភិវឌ្ឍន៍ ស្ថិតក្នុងឃុំអូរឧកញ៉ាហេង និង ឃុំបឹងតាព្រហ្ម ស្រុកព្រៃនប់ ខែត្តព្រះសីហនុ។ឯកឧត្តម យន្ត មីន បានបង្ហាញជំហរលេីកទឹកចិត្ដនិងគាំទ្រចំពោះវិស័យឯកជន ក្នុងការបង្កើតកសិដ្ឋានចិញ្ចឹមបង្គារ ក្តាម តាមលក្ខណៈបច្ចេកទេសកសិកម្មទំនើបក្នុងមូលដ្ឋានខេត្តព្រះសីហនុ គ្រាដែលតម្រូវការនៅខេត្តព្រះសីហនុ កំពុងមានការកើនឡើងស្របពេលដែលខេត្តព្រះសីហនុ កំពុងមានការអភិវឌ្ឍនាពេលបច្ចុប្បន្ន។
ទន្ទឹមនេះឯកឧត្តម យន្ត មីន បានផ្តល់អនុសាសន៍ដល់កសិករក្នុងស្រុកពិសេសប្រជាជនដែលមានដីស្រែនៅតំបន់នេះគួរចាប់អារម្មណ៍អារម្មណ៍ពីការចិញ្ចឹមបង្គារ ក្តាមតាមបច្ចេកទេសកសិកម្មនេះដើម្បីកែប្រែជីវភាពអោយកាន់តែប្រសើរ។លោក នេន ចំរេីន ប្រធានមន្ទីរកសិកម្ម ខេត្តព្រះសីហនុ បង្ហាញមោទនភាព បន្ទាប់ពីបានទាក់ទងក្រុមហ៊ុន ហេង ហេង មកចិញ្ចឹមបង្គា ក្ដាម ក្នុងតំបន់នេះ។
លោកបញ្ជាក់ថាទីនេះមានអំណោយផលសម្រាប់ការចិញ្ចឹមបង្គា ក្តាម(មច្ឆាសមុទ្រ)។លោកចង់ឃើញកសិករដែលមានដីស្រែនៅតំបន់នេះគួរងារមកចិញ្ចឹមបង្គារក្តាមសមុទ្រវិញប្រសើរជាងគ្រាដែលតម្រូវការទីផ្សារកើនឡើងខ្ពស់។លោក ស៊ិន សត្ថា អ្នកគ្រប់គ្រប់ក្រុមហ៊ុន ហេង ហេង អភិវឌ្ឍន៍ អោយដឹងថាកន្លងមកបើទោះជាមានរខាតបង់ខ្លះក្តីតែលោកនៅតែមានជំហរច្បាស់លាស់នឹងខិតខំគ្រប់មធ្យោបាយដើម្បីចិញ្ចឹមបង្គា ក្ដាមសំរាប់ផ្គត់ផ្គង់ទីផ្សារក្នុងស្រុក។ លោក សត្ថា បញ្ជាក់ថា ការប្រមូលផលលេីកទីមួយនេះ ទទួលបានជាង៤តោនបន្ទាប់ពីទំលាក់កូនបង្គាអស់៧លានកូន ៕
