បន្ទាយមានជ័យៈ ជនជាប់ដែលត្រូវបានតុលាការចោតប្រកាន់ថា បានប្រព្រឹត្តបទល្មើសរំលោភសេពសន្ទវៈមានស្ថានទម្ងន់ទោស និងបានរត់គេចខ្លួនបាត់ទៅប្រទេសថៃអស់មួយរយៈ ត្រូវបានប៉េអឹមខេត្តបន្ទាយមានជ័យធ្វើការឃាត់ខ្លួន និងបញ្ជូនទៅតុលាការកាលពីថ្ងៃទី០៤ កក្តដា
២០១៤ បន្ទាប់ត្រឡប់មកពីប្រទេសថៃវិញ ។ លោក តាំង សុខហេង មេស្នាក់ការ៩៩៩ ស្រុកម៉ាឡៃបានអោយដឹងថា បន្ទាប់ពីទទួលបានដីការលេខ ០៤ ចុះថ្ងៃទី ១៥ ខែមករា ២០១២ ចេញដោយលោក ពេជ្រ វិជ្ជាធរ ចៅក្រមស៊ើបសួរសាលាដំបូងខេត្តបន្ទាយមានជ័យ និងក្រោមការបញ្ជារបស់លោក ម៉ែន ភារម្យ មេបញ្ជាការរងកងរាជអាវុធហត្ថខេត្តបន្ទាយមានជ័យ លោកបានចាត់កំលាំងរបស់លោកចំនួន៥នាក់ចុះធ្វើការស្រាវជ្រាវ រហូតឈានដល់ការឃាត់ខ្លួនជនសង្ស័យ និងជាមុខសញ្ញាម្នាក់ឈ្មោះ វ៉ៃ ភា ភេទប្រុស អាយុ ២៤ឆ្នាំ ត្រង់ចំនុច ភូមិប៉ោយចារ ឃុំគុតសត ស្រុកអូរជ្រៅ ខេត្តបន្ទាយមានជ័យ ។ បច្ចុប្បន្នចំពោះជនជាប់ខាងលើ ត្រូវបានកំលាំងកងរាជអាវុធហត្ថខេត្តកសាងសំនុំរឿងបញ្ជូនទៅតុលាការដើម្បីចាត់ការតាមផ្លូវច្បាប់៕