ប្រទេសចិន ៖ គ្រោះទឹកជំនន់និងបាក់ដីបណ្តាលមកពីភ្លៀងធ្លាក់ខ្លាំងបណ្តាលឲ្យមនុស្សជាង៦០នាក់ ស្លាប់និងបាត់ខ្លួននៅភាគនិរតីនៃប្រទេសចិន។ សារព័ត៌មានស៊ីនហួបានផ្សព្វផ្សាយថា តំបន់ជាច្រើននៅខេត្តយូណានរងផលប៉ះពាលខ្លាំងជាងគេបំផុតដោយសារភ្លៀងធ្លាក់ខ្លាំងតាំងពីរចុងខែមិថុនារហូតមកទលពេលនេះ។
ភ្លៀងខ្លាំងមិនដាច់គ្រាប់ បង្ករឲ្យមានគ្រោះទឹកជំនន់និងបាក់ដីបណ្តាលឲ្យមានអ្នកស្លាប់និងបាត់ខ្លួនជាង៦០នាក់ក្នុងរយៈពេល១០ថ្ងៃគិតចាប់តាំងពីថ្ងៃទី៣០ខែមិថុនាដល់ថ្ងៃទី៩ខែកក្កដា។ មកទលពេលនេះនៅមានមនុស្ស១៧នាក់នៅបាត់ខ្លួននៅឡើយក្រោយការបាក់ដីកាលពីថ្ងៃទី៩ខែកក្កដា ស្ថិតនៅក្នុងស្រុក Fugong ជាប់ព្រំដែនប្រទេសមីយ៉ានម៉ា។ ក្នុងថ្ងៃជាមួយគ្នានេះដែរក៏មានការបាក់ដីគបផ្ទះជាច្រើនស្ថិតនៅក្នុងស្រុកដាលីខេត្តយូណាន សម្លាប់មនុស្ស៦នាក់ និង៨នាក់ទៀតបាត់ខ្លួន។
រដ្ឋាភិបាលទីក្រុងប៉េកាំងបានបញ្ចូនក្រុមរុករកជួយសង្គ្រោះទៅកាន់ខេត្តយូណានហើយ ជួយដល់អ្នកដែលរងផលប៉ះពាល់ដោយគ្រោះទឹកជំនន់ បណ្តាលមកពីភ្លៀងធ្លាក់ខ្លាំង។ ពលរដ្ឋដែលរងផលប៉ះពាលនៅខេត្តយូណានកើនឡើងជាង៤០ពាន់នាក់ ក្នុងរយៈពេលតែ៣ថ្ងៃប៉ុណ្ណោះ។ កន្លងមកថ្មីៗនៅក្នុងប្រទេសជប៉ុនក៏រងការវាយប្រហារដោយព្យុះសង្ឈរា Neoguri នៅចុងភាគខាងត្បូងប្រទេស ធ្វើឲ្យរដ្ឋាភិបាលត្រូវប្រកាស់អាសន្ន កម្រិតខ្ពស់បំផុត ពិសេសគឺពលរដ្ឋនៅលើកោះអូគីណាវ៉ា។
កម្លាំងទាំងហានអាមេរិកដែលឈរជើងនៅទីនោះក៏បានជម្លៀសយន្តចម្បាំងរបស់ខ្លួនទៅកាន់កន្លែនសុវត្ថិភាពខ្លាចរងការខូចខាតដោយខ្យល់ព្យុះខាងលើ៕
