ភ្នំពេញ: យុវជន២នាក់តហរូវរបួសធ្ងន់ធ្ងរដោយសាររថយន្តសាំយ៉ុងមួយគ្រេឿងបើកក្នុងល្បេឿនលេឿនជ្រុលពេញទំហឹងនៅចំណុចភូមិបឹងស្នោរ ផ្លូវជាតិលេខ១ សង្កាត់និរោធ ខណ្ឌមានជ័យ កាលពីវេលាម៉ោង ២នឹង០០នាទីរសៀលថ្ងៃទី២០ ខែកុម្ភះ ឆ្នាំ២០១៤ ។ យោងតាមប្រភពព័ត៍មានពីកន្លែងកើតហេតុបានឲ្យដឹងថាមុនពេលកើតហេតុមានយុវជនម្នាក់ដើរផ្លូវជាតិលេខ១ ហើយយុវជនម្នាក់ទៀតកំពុងជិះម៉ូតូមួយគ្រេឿងម៉ាកសេ១២៥ ពណ៍ខ្មៅ ទិសដៅពីលិចទៅកើតយ៉ាងលេឿនហើយបានចាប់ហ្វ្រាំងម៉ូតូគេចពីយុវជនដើរក៏ត្រូវរថយន្តសាំយ៉ុង
មួយគ្រេឿងកំពុងបើកបញ្ជ្រាសគ្នារេចង្កូតបុកទាំងយុវជនដើរនឹងយុវជនជិះម៉ូតូបណ្តាលឲ្យដួលគរគ្នារបួសធ្ងន់ស្រាលពីនាក់តែម្តងទៅ ហើយរថយន្តបង្កហេតុក្រោយដឹងថាបុកគេឲ្យរងរបួសរួចនោះក៏បានបើកគេចខ្លួនបាត់ស្រមោលភ្លាមៗតែម្តង។
បន្ទាប់ពីកើតហេតុជនរងគ្រោះទាំង២នាក់ ត្រូវបានរថយន្តសាម៉ុយរបស់មន្ទីរពេទ្យបង្អែកមានជ័យចុះមកអន្តរាគមន៍ដឹកយកទៅសង្គ្រោះ នៅមន្ទីរពេទ្យ ។ ចំណែកម៉ូតូរបស់ជនរងគ្រោះត្រូវនគរបាលអូសយកទៅរក្សាទុកនៅអធិការដ្ឋាននគរខណ្ឌមានជ័យ រងចាំដោះស្រាយតាមច្បាប់៕ 
