គ្រូបង្វឹកក្រុមជើងឯកអេស្ប៉ាញ Atletico Madrid គឺលោក Diego Simeone បានបង្ហាញពីចំណាប់អារម្មណ៍ លើការទិញយកកីឡាករ Javier Hernandez ពីក្លិបបិសាចក្រហម Manchester United ។ ខ្សែប្រយុទ្ធរូបនេះបច្ចុប្បន្នកំពុងជាប់ភារកិច្ចជាមួយក្លិប Manchester United សម្រាប់ការប្រកួតលក្ខណៈ មិត្តភាពមុនបើករដូវកាលនៅសហរដ្ឋអាមេរិកប៉ុន្តែរូបគេចូលលេងបានតិចតួចបំផុតក្នុងក្រុមរបស់លោក Louis van Gaal ។
នៅពេលដែលមានការចោទសួរទាក់ទិនទៅនឹងកីឡាករសញ្ជាតិមិចស៊ីកូរូបនេះក្នុងសន្និសីទកាសែត លោក Simeone ប្រាប់អ្នកសារព័ត៌មានថា “Javier Hernandez ជាកីឡាករដែលពោរពេញទៅដោយបទពិសោធន៍ គេអាច មានលទ្ធភាពក្នុងស្ថានភាពមួយទល់មួយជាមួយខ្សែការពារហើយគេអាចនាំយកប្រយោជន៍ជាច្រើនមកឲ្យក្រុម” ។ គួរបញ្ជាក់ថា Hernandez ចូលលេងជាជម្រើសដំបូងបានតែ១៥ប្រកួតប៉ុណ្ណោះក្នុងក្របខណ្ឌ Premier League សម្រាប់រយៈពេល២រដូវកាលចុងក្រោយនេះ ៕