មណ្ឌលគិរី៖ ខ្យល់កន្ត្រាក់ផងដែរ បានបន្តកើតឡើងនៅក្នុងខេត្តមណ្ឌលគិរីជាង០២សប្ដាហ៍កន្លងមកហើយផ្ទៃមេឃពុំទាន់ស្រឡះនៅឡើយទេ លក្ខណៈបែបនេះពុំបណ្តាលអោយមានការប៉ះពាល់ដល់ ការរកស៊ីទទួលទានក៏ដូចជាបងប្អូនកសិករប្រកបរបរដាំដុះដំណាំផ្សេងៗនោះដែរ។ ជាក់ស្តែងផ្ទៃមេឃនៅក្នុងក្រុងសែនមនោរម្យ ស្រុក អូររាំង និងឃុំ ដាក់ដាំ រយះពេលពីរថ្ងៃនេះគិតចាប់តាំងពីថ្ងៃទី០១ខែសីហាឆ្នាំ២០១៤នេះ ផ្សែងអព្ទ័ បន្តធ្លាក់កណ្តាលថ្ងៃត្រង់លាយឡំជាមួយភ្លៀងផ្គរផងដែរធ្វើអោយស៊ីតុណ្ហភាពចុះត្រជាក់ជាងធម្មតា ពោលគឺស៊ីតុណ្ហភាព នៅពេលថ្ងៃចុះត្រជាក់ចាប់ពីចន្លោះ១៨ដល់២១អង្សាសេ។ 
លោក ញ៉ែម វ៉ាន់នី ស្នងការខេត្តបានណែនាំអោយមន្ត្រីនគបាលចរាចរណ៍ផ្លូវគោកនៅតាមគោលដៅរបស់ខ្លួនអោយធ្វើការណែនាំដល់អ្នកធ្វើចរាចរណ៍លើផ្លូវជាតិអោយបង្កើនការប្រុងប្រយត្ន័អោយបានខ្ពស់ព្រោះភ្លៀងផ្គរផ្សែងអព្ទ័បន្តធ្លាក់អត់ឈប់ឈរ ដើម្បីជៀសវាងមានការគ្រោះថ្នាក់ផ្សេងៗដែលអាចកើតឡើង៕
