ខេត្តកំពង់ធំ បែកធ្លាយក្លិនស្អុយសាយភាយ ពីក្រុមមន្រ្តីគ្រាប់ល្ពៅ ឃុំឃិតគ្នាជាមួយឈ្មួញ លបលួចឈូសឆាយ តំបន់សត្វខ្សឹបត្រូវបានថែរក្សាមកជាយូរមកហើយ តែបែរជាមករលាយនៅសម័យនេះ តែគួរឲ្យស្ដាយបែរជាត្រូវមករលាយហិនហោច ដោយសារក្រុមទុចរិត នាំឃុបឃិតគ្នាប្លន់យកជាសម្បត្តិផ្ទាល់ខ្លួនទៅវិញ។
តាមសេចក្តីរាយការណ៍ បានឱ្យដឹងថាតំបន់អភិរក្សសត្វខ្សឹប.គឺស្ថិតនៅក្នុងភូមិទំពេជ្រ ឃុំទ្រា ស្រុកស្ទោង ខេត្តកំពង់ធំ តំបន់នេះ.កាលពីអំឡុងឆ្នាំ2010 គឺធ្លាប់មានបញ្ហាការឃុបឃិតគ្នា រុករាន្ទដីតំបន់អភិរក្ស តែត្រូវបានអង្គការក្រៅរដ្ឋាភិបាលការពារ រហូតមកដល់សព្វថ្ងៃនេះ ក្រោយពីអង្កការអភិរក្សសត្វខ្សឹបផុតអណត្តិ ឥឡូវបានដៃឈ្មួញ មានឨកាសឃុបឃិតជាមួយ មន្រ្តីគ្រាប់ល្ពៅ.ប្លន់យកតែម្តង។
ប្រភពច្បាស់ការណ៍បានឲ្យដឹងថា ការឈូសឆាយនេះ ដោយមានការបើកភ្លើងខៀវពីសំណាក់ ជំនាញមួយក្តាប់តូចនៅមួលដ្ឋាន ដែលកំពុងឈូសដីជាង200ហិចតា តែបែជាថា ឈូសដីចំការស្វាយចន្ទីរ តែខានធ្វើយូរដើមឈើដុះឡើងវិញដែលមានទំហំត្រឹមតែ20ហិចតា តែការពិតជារបាយការភូតភរកុហកថ្នាក់ដឹកនាំ ដើម្បីលួចដីរបស់រដ្ឋយកមកធ្វើជាសម្បត្តិដោយខុសច្បាប់។
ប្រភពច្បាស់ការណ៍បានឲ្យដឹងថា ដីតំបន់សត្វខ្សឹបនេះ មានមេការឈ្មោះរិទ្ធ ជាអ្នកមើលការខុសត្រូវ ក្នុងការឈូសឆាយដី.ចំណែកអ្នកដែលយកលុយបិទគ្រប់ជំនាញគឺលោក សូវ ដែលបានបិទមាត់ អ្នកសារព័ត៌មានមួយចំនួនធំ និងមន្រ្តីជំនាញសរុបខ្ទង់ម៉ឺនដុល្លា ដើម្បីបិទបាំងអំពើពុករលួយ ចំណែកម្ចាស់ដី អ្នកសារព័ត៌មានកំពុងតែស្រាវជ្រាវដើម្បីបង្ហាញមុខពិតថាជាអ្នកណា?៕
