តាកែវៈ នាព្រឹកថ្ងៃទី២២.០៨.២០១៤ លោក ឡាយ វណ្ណៈអភិបាលនៃគណៈអភិបាលខេត្តតាកែវព្រទាំងមន្ត្រីក្រោមឳវាទបានអញ្ជើញ ចូលរួម ជាអធិបតីក្នុងពិធីញ្ចប់កិច្ចសន្យាស្តីពីការជួលដីនឹងទីតាំងរមណីយ៍ដ្ឋានទន្លេបាទីត្រូវបានប្រគល់ជាសម្បត្តិរដ្ឋវិញ។ អង្គពិធីនេះផងដែរ មានការអញ្ជើញចូលរួមពីសំណាក់ប្រធានក្រុមការងារចុះពង្រឹងស្រុកបាទី និង លោក ឡាយ សុខា អភិបាលស្រុកបាទី ប្រធានមន្ទីរ ទេសចរណ៍ខេត្តតាកែវព្រមទាំងអាជ្ញាធ័រឃុំភូមិប្រជាពលរដ្ឋយ៉ាងច្រើនកុះករដែលបានអញ្ជើញចូលរួមក្នុងពិធីនេះ។ 
នាឳកាសនោះ ផងដែរលោក អ៊ុន វណ្ណា នាយកសាលាខេត្តតាកែវបានឡើងអានការបញ្ចប់កិច្ចសន្យាស្តីពីការបន្តជួលដី និង ទីតាំងដើម្បីអភិវឌ្ឍន៍ រមណីយ៍ដ្ឋានទន្លេបាទី បានប្រគល់ជូនរដ្ឋវិញចាប់ពីថ្ងៃនេះតទៅ តាមសារាចរណ៍ណែនាំលេខ ៥០៤.ស.ព ចុះថ្ងៃទី០៤.កុម្ភៈ.២០១៤ របស់ក្រសួងសេដ្ឋកិច្ច និងហិរញ្ញវត្ថុស្តីពីការពង្រឹងការគ្រប់គ្រងការធ្វើអាជីវកម្ម សេវាកម្មទ្រព្យសម្បត្តិរដ្ឋបានឃើញកិច្ចសន្យាស្តីពីការបន្តជួលដីនិងទីតាំងដើម្បីអភិវឌ្ឍន៍រមនីយ៍ដ្ឋានទន្លេបាទីចុះថ្ងៃទី២១.ឧសភា.២០០៤រវាងភាគីតំណាងដោយលោកអភិបាលស្រុក បាទី និង ភាគី ខ តំណាងដោយលោកស្រី សុខ សារឿន ប្រធានក្រុមហ៊ុនបាទីធូរីសឹម.ឌីវីឡុបម៉ិនថ៍ ត្រូវបានបញ្ចប់នាពេលនេះ។
លោកឡាយ វណ្ណៈ អភិបាលនៃគណៈអភិបាលខេត្តតាកែវបានមានប្រសាសន៍សំណេះសំណាលជម្រាបជូនបងប្អូនប្រជាពលរដ្ឋក្នុង អង្គពិធីនេះថា រមណីយ័៍ដ្ឋានទន្លេបាទីនៅពេលនេះបញ្ចប់កិច្ចសន្យាពីក្រុមហ៊ុន ឥឡូវក្រោមការគ្រប់គ្រងរបស់រដ្ឋ និង អាជ្ញាធ័រមូលដ្ឋាន ក្រុមការងារថ្នាក់ជាតិចុះមូលដ្ឋានស្រុកបាទីបានសហការគ្នាជាមួយបងប្អូនប្រជាពលរដ្ឋនៅតំបន់នេះដើម្បីបង្កើតជាសមាគមន៍ ក៏សាងរួមគ្នាយ៉ាងសកម្មដើម្បីអភិវឌ្ឍន៍រមណីយ៍ដ្ឋានទន្លេបាទីនេះអោយមានបរិឋានល្អពោរពេញដោយអនាម័យធម្មជាតិ លោកអភិ បាលខេត្តតាកែវបានបញ្ជាក់ថា
ការបញ្ចប់កិច្ចសន្យាពីក្រុមហ៊ុនខាងលើដោយមានការអនុញ្ញាតិពីឧបបណ្ឌិតសភាចារ្យ សុខ អាន ឧបនាយករដ្ឋមន្ត្រី ជាអ្នកសម្រេចលើបញ្ហានេះអោយដាក់រមនីយ៍ដ្ឋានទន្លេបាទីនេះជាតំបន់ទេសចរណ៍របស់ប្រជាពលរដ្ឋហើយមាន ការឯកភាពពីអាជ្ញាធ័រមូលដ្ឋានប្រជាពលរដ្ឋទូទាំងស្រុកបាទី ដូច្នេះបងប្អូនចាប់ពីថ្ងៃនេះតទៅត្រូវបង់ថ្លៃតូបតាមសៀវភៅបន្ទុករបស់ រដ្ឋមានក្រដាសត្រឹមត្រូវ។ ប្រជាពលរដ្ឋសាទរចំពោះលោកអភិបាលខេត្តតាកែវ និង ប្រមុខរដ្ឋាភិបាលដែលបានយកចិត្តទុកដាក់ដល់ ពួកគាត់។
