តាមរបាយការណ៍ថ្មីបំផុតរបស់ក្រុម អ្នកឯកទេសប្រឹក្សានៅទីក្រុងសេអ៊ូល បញ្ជាក់ថា ប្អូនស្រីមេដឹកនាំគីម ជុងអ៊ុន បានក្ដោបក្ដាប់អំណាចដឹកនាំប្រទេស ជាតិក្នុងអំឡុងពេលដែលបងប្រុសធ្លាក់ ខ្លួនឈឺ
កាលពីថ្ងៃទី១ ខែតុលា សារព័ត៌មាន NKIS របស់កូរ៉េខាងជើងបានផ្សព្វផ្សាយ ថា ប្អូនស្រីគីម ជុងអ៊ុន ឈ្មោះ គីម យ៉ូចុង (Kim Yo-jong)កាន់អំណាចដឹក នាំប្រទេសជាតិជំនួសបងប្រុសរបស់នាង។ រយៈពេលកន្លងមក ព័ត៌មានផ្សព្វផ្សាយ ពីសុខភាពមិនល្អរបស់មេដឹកនាំ គីម ជុងអ៊ុន ក្រោយពេលបាត់មុខពីមហាជន ខុសប្រក្រតី ពិសេសនៅក្នុងកិច្ចប្រជុំ សភាលើកទី២ ប្រចាំឆ្នាំ ។
សារព័ត៌មាន NKIS បញ្ជាក់ទៀតថា មេដឹកនាំគីម ជុងអ៊ុន សម្រាកព្យាបាល នៅក្នុងមន្ទីរពេទ្យ Bonghwa Clinic ដោយ គ្រូពេទ្យជំនាញមកពីបរទេស។ នៅពេល ដែលអវត្ដមានមេដឹកនាំ គីម ជុងអ៊ុន ប្អូនស្រី គីម យូចុង ជាអ្នកជំនួស មាន សិទ្ធិសម្រេចបញ្ហាសំខាន់ៗរបស់ប្រទេស ជាតិ ។
ប្រភពព័ត៌មានដែលមិនបញ្ចេញ ឈ្មោះបានឱ្យដឹងថា ការសម្រេចឱ្យមេ ដឹកនាំគីម ជុងអ៊ុន អវត្ដមានដើម្បីទៅ ព្យាបាលជំងឺទទួលបានការឯកភាពពី ក្រសួងនយោបាយរបស់បក្សពលករកូរ៉េ ខាងជើង ។ កិច្ចប្រជុំសភានេះត្រូវបាន ធ្វើឡើងតាមការដឹកនាំរបស់ប្អូនស្រី គីម យ៉ូចុង ។
លទ្ធផលនៃកិច្ចប្រជុំសភាបានអនុម័ត សេចក្ដីសម្រេច៤សំខាន់ៗក្នុងនោះ ៖ ១- ទុកឱ្យមេដឹកនាំ គីម ជុងអ៊ុន សម្រាក ព្យាបាលដើម្បីឱ្យសុខភាពល្អប្រសើរដូច ធម្មតាឡើងវិញ ២-បណ្ដាមេដឹកនាំជាន់ ខ្ពស់ និងសមាជិកក្នុងជួរបក្សពលករកូរ៉េ ខាងជើងត្រូវតែទទួលខុសត្រូវ អនុវត្ដ តាមបទបញ្ជារបស់លោកគីម ជុងអ៊ុន កាលពីមុនឈឺ ៣-បក្សនិងទាហានត្រូវ តែត្រៀមលក្ខណជានិច្ចក្នុងការធ្វើសង្គ្រាម អំឡុងពេលដែលមេដឹកនាំគីម ជុងអ៊ុន កំពុងព្យាបាលជំងឺ និងទី៤-រាល់ បញ្ហា សំខាន់ៗពាក់ព័ន្ធដល់រដ្ឋាភិបាលនិងប្រទេស ជាតិ ប្អូនស្រី គីម យ៉ូចុង ជាអ្នកទទួល ខុសត្រូវ ។
នាងគីម យ៉ូចុង បានបង្ហាញខ្លួនជា សាធារណៈជាលើកដំបូងនៅថ្ងៃទី៩ ខែ មីនា ពេលដែលបោះឆ្នោតសភា ។ នាង ក៏ទទួលបានការជ្រើសរើសតែងតាំងឱ្យ ធ្វើជាអ្នកគ្រប់គ្រងប្រព័ន្ធហិរញ្ញវត្ថុប្រទេស ជាតិ ក្រោយពេលឪពុកមា ចាង សុងតិច ត្រូវកាត់ទោសប្រហារជីវិត 9