អ្នកចាត់ការក្លិបកាំសៀវតែ Queens Park Rangers លោក Harry Redknapp បានលើកឡើងថា លោកអាចនឹងដើរចេញពីក្លិបនៅពេលបញ្ចប់រដូវកាលបើសិនជាក្លិបធ្លាក់ចេញពីក្របខណ្ឌ Premier League ។
QPR ដែលបានឡើងមកពីក្របខណ្ឌ Championship កាលពីរដូវកាលមុនបច្ចុប្បន្នកំពុងស្ថិតនៅបាតតារាង ក្របខណ្ឌ Premier League បន្ទាប់ពីពួកគេប្រកួតចាញ់ញញួរយក្ស West Ham United 2-0 កាលពីយប់ថ្ងៃអាទិត្យ ។
លោក Redknapp បានថ្លែងប្រាប់អ្នកសារព័ត៌មានថា លោកនៅមិនទាន់ចង់បន្តកិច្ចសន្យាថ្មីជាមួយ QPR នៅឡើយទេ លោកចាំមើលថាតើ QPR នឹងបញ្ចប់នៅចំណាត់ថ្នាក់ទីប៉ុន្មាន ប៉ុន្តែបើលោកដឹកនាំក្លិបនេះ មិនបានល្អទេ នោះលោកនឹងចាកចេញ ។
គួរបញ្ជាក់ថា Redknapp ត្រូវបានតែងតាំងឲ្យក្លាយជាគ្រូបង្វឹក QPR កាលពីខែវិច្ឆិកាឆ្នាំ ២០១២ ៕
