មន្ត្រីជាន់ខ្ពស់ផ្នែកអវកាសមួយរូប បាននិយាយឲ្យដឹងនៅព្រហស្បតិ៍នេះថា ឥណ្ឌា ពិតជាទទួលបានជោគជ័យ ក្នុងការបាញ់បង្ហោះផ្កាយរណប ស៊ើបអង្កេតទៅ កាន់ ទីលំហ ដោយបានបាញ់ចេញពីភាគខាងជើង តំបន់ ស្រីហារីកូតា។
ទីភ្នាក់ងារព័ត៌មានចិនស៊ិនហួ ចុះផ្សាយនៅថ្ងៃទី១៦ ខែតុលា ឆ្នាំ២០១៤ថា ក្រុមប្រឹក្សាអង្គការ ស្រាវជ្រាវផ្នែកអវកាសឥណ្ឌា បានផលិតផ្កាយរណបដោយខ្លួនឯង ហើយបានបាញ់បង្ហោះទីកាន់ទីលំហ ផ្កាយរណបនោះមានឈ្មោះថា “IRNSS 1C” ។ ការបាញ់នេះទៀតសោត ដោយប្រើគ្រាប់រ៉ុក្កែតឈ្មោះPSLV C26 ។
ការបាញ់បង្ហោះផ្កាយរណបនេះ ជាគោលបំណងមួយដើម្បី ឃ្លាំមើលសកម្មភាពនៅក្នុង តំបន់ដែលវាមានទំហំ ស្រដៀងនឹងប្រព័ន្ធជីភីអេស(GPS) របស់សហរដ្ឋអាម៉េរិក ដែរ ។
លោក K. Radhakrishnanប្រធានក្រុមប្រឹក្សាខាងលើបានលើកឡើងថា “ឥណ្ឌា បានទទួលជោគជ័យ លើការបាញ់បង្ហោះ IRNSS 1C.” ។ ផែនការបន្ទាប់ សម្រាប់ឆ្នាំក្រោយនោះ នឹងបន្តបង្ហោះផ្កាយរណបថ្មីៗទៀត ។
គួររំលឹកថា ឥណ្ឌា បានបាញ់បង្ហោះផ្កាយរណបដំបូងគេ និងចំនួន២ទៅកាន់ទីលំហនោះ រួមមានៈ IRNSS 1A និងIRNSS 1B ដោយបាញ់បង្ហោះក្នុងខែកក្កដា ឆ្នាំ២០១៣ និងខែមេសា ឆ្នាំ២០១៤កន្លងទៅនេះ ៕
