ខេត្តតាកែវ នាព្រឹកថ្ងៃទី២៣ ខែវិច្ឆិកា ឆ្នាំ២០១៤ លោក ឡាយ វណ្ណៈ អភិបាលនៃគណអភិបាលខេត្តតាកែវព្រមទាំងមន្ត្រីក្រុមការងាររបស់ឯកឧត្តមបណ្ឌិត ហ៊ុន ម៉ាណែត បានពាំនាំអំណោយស៊ីម៉ង់១៧តោន របស់សម្តេច ហ៊ុន សែន និង សមេ្តចកិត្តិព្រឹទ្ធបណ្ឌិតប្រគេនព្រះគ្រូចៅអធិការ
វត្តអំរ៉ា ស្ថិតក្នុងភូមិស្នោ សង្កាត់រកាក្រៅ ក្រុងដូនកែវ ខេត្តតាកែវ អង្គពិធីនេះផងដែរមានការអញ្ជើញចូលរួមពីសំណាក់លោក មូល វិចិត្រ អភិបាលស្រុកដូនកែវ ព្រមទាំងអស់លោក លោកស្រី អាជ្ញាធរមូលដ្ឋាន លោកយាយ លោកតា លោកគ្រូ អ្នកគ្រូ ព្រះសង្ឃ សិស្សានុសិស្ស យ៉ាងច្រើនកុះករ។
នាឱកាសនោះផងដែរលោក ឡាយ វណ្ណៈ អភិបាលនៃគណៈអភិបាលខេត្តតាកែវ បានមានប្រសាសន៍សំណេះសំណាលផ្តាំផ្ញើរដល់ព្រះសង្ឃ លោកតា លោកយាយថា ថ្ងៃនេះ លោកតា លោកយាយ បានអញ្ជើញមកចូលរួមអបអរសាទរអំណោយដ៏ថ្លៃថ្លារបស់សម្តេចតេជោហ៊ុនសែន និងសម្តេចកិត្តិព្រឹទ្ធបណ្ឌិត បានផ្តល់ជូន និងប្រគេនតាមរយៈអភិបាលខេត្តតាកែវ ព្រមទាំងក្រុមការងាររបស់ឯកឧត្តមបណ្ឌិត ហ៊ុន ម៉ាណែត ចំនួនស៊ីម៉ង់១៧តោនបានប្រគេនជូនដល់ដៃព្រះគ្រូចៅអធិការវត្តអមរ៉ា នាឱកាសនេះតែខណៈពេលនេះផងដែរលោក ឡាយ វណ្ណៈ អភិបាលនៃគណៈអភិបាលខេត្តតាកែវប្រគេនស៊ីម៉ង់១០តោនបន្ថែមទៀត ចូលរួមចំណែកជាមួយសម្តេច និងសម្តេចកិត្តិព្រឹទ្ធបណ្ឌិត ហើយអង្ករ២០០គីឡូក្រាមទៀត បានប្រគេនព្រះគ្រូចៅអធិការ ។
លោកអភិបាលខេត្តបានបញ្ជាក់ថា ស៊ីម៉ង់ចំនួន១០តោននេះគឺខ្ញុំករណាបានរ៉ៃអង្គៀសពីប្រពន្ធ និងម្តាយក្មេក ឪពុកក្មេក ម្តាយបង្កើត របស់ខ្ញុំករុណាទេ ដើម្បីចូលរួមចំណែកជាមួយសម្តេច និងសម្តេចកិត្តិព្រឹទ្ធបណ្ឌិត ដើម្បីប្រគេនព្រះគ្រូចៅអធិការវត្តអមរ៉ា ដើម្បីកសាងសាលាធម្មសភាមួយខ្នង ហើយលោកអភិបាលខេត្តព្រមទាំងក្រុមការងារបានចែកសៀវភៅ ប៉ិច ខ្មៅដៃ ជូនសិស្សក្នុងម្នាក់ បានសៀវភៅ២ក្បាល ប៉ិច២ដើម ខ្មៅដៃ២ដើម ថវិកា២០០០រៀល
លោកតាលោកយាយក្នុងម្នាក់ៗទទួលបានថវិកា១ម៉ឺនរៀល ក្រមា១ លោកគ្រូអ្នកគ្រូក្នុងម្នាក់ៗទទួលបាន២ម៉ឺនរៀល ហើយប្រាក់ឧបត្ថមទាំងនេះជាអំណោយដ៏ថ្លៃថ្លារបស់សម្តេច និងសម្តេចកិត្តិព្រឹទ្ធបណ្ឌិត លោកគ្រូព្រះចៅអធិការបានជួនពរជ័យដល់សម្តេច និងសម្តេចកិត្តិព្រឹទ្ធបណ្ឌិតសូមអោយមានជន្មាយុយឺនយូរ ដើម្បីជាម្លប់ដឹកនាំប្រទេសជាតិមាតុភូមិ។
