ក្លិបកាំភ្លើងធំ Arsenal កំពុងតែតាមដានមើលពីទម្រង់លេងរបស់កីឡាករ លូកាស ភីហ្សេក (Lukasz Piszczek) ហើយគ្រោងនឹងដាក់សំណើរទិញយកបើសិនណាជាក្លិបបរាជ័យលើការចុះកិច្ចសន្យាថ្មីជាមួយកីឡាករ បាការី សាកញ៉ា (Bacary Sagna) មុនពេលចប់រដូវកាល ។
យោងតាមគេហទំព័រ The Metro បានរាយការណ៍ថា គ្រូបង្វឹក Arsene Wenger ចង់រក្សាទុក Sagna ប៉ុន្តែក្លិបអាចនឹងដាក់សំណើរប្រមាណ ៧ លានផោនដល់ខ្សែការពាររបស់ក្លិប Dortmund គឺកីឡាករ Piszczek ដើម្បីជំនួសមុខតំណែងនេះ ។
គួរបញ្ជាក់ថា Piszczek ត្រូវបានគេរំពឹងថា នឹងចាកចេញពី Dortmund ហើយរូបគេក៏កំពុងទទួលបានការចាប់អារម្មណ៍ពីសំណាក់ក្លិប Real Madrid និង Paris Saint-Germain ផងដែរ ៕