សៀមរាប៖ ប៉េអឹមខេត្តសៀមរាប បានធ្វើការចុះបង្ក្រាបករណីរក្សាទុកដឹកជញ្ជូននិងជួញដូរដោយខុសច្បាប់នូវសារធាតុញៀនបាន១ករណី ខណៈពួកគេកំពុងបំរុងចេញពីផ្ទះទៅចែកចាយ ត្រូវបានកម្លាំងកងរាជអាវុធហត្ថឃាត់ខ្លួនបានភ្លាមៗ ស្ថិតនៅក្នុងផ្ទះ ភូមិត្រពាំងសេះ សង្កាត់គោកចក ក្រុងសៀមរាប។
លោកវរៈសេនីយ៍ឯក ស្រី យូរ៉ា មេបញ្ជាការរងកងរាជអាវុធហត្ថខេត្ត ជាប្រធានមន្ទីរស្រាវជ្រាវនិងយុត្តិធម៌ បានចុះ បង្ក្រាបករណីជូញដូរនិងប្រើប្រាស់ នូវសារធាតុញៀនរហូតឈានដល់ធ្វើការឃាត់ខ្លួនបានជនសង្ស័យ២នាក់ ៖ទី១/ឈ្មោះ ផាន ផល្លា ភេទប្រុស អាយុ២៤ឆ្នាំមុខរបរបជាងជួសជុលទូរស័ព្ទដៃ(ជានាក់ជួញដូរ) មានស្រុកកំណើតនៅ ខេត្តបាត់ដំបង បច្ចុប្បន្នស្នាក់នៅភូមិត្រពាំងសេះ សង្កាត់គោកចក ក្រុងសៀមរាប ទី២/ឈ្មោះ រឿន កំសត់ ភេទប្រុសអាយុ១៧ឆ្នាំមុខរបរលក់ស៊ុំរូបថត(ជាអ្នកប្រើប្រាស់) រស់នៅភូមិត្រពាំងសេះ សង្កាត់គោកចក ក្រុងសៀមរាបនិងធ្វើការ ដកហូតបានវត្ថុតាងរួមមាន៖ ម្សៅគ្រឿមពណ៌ថ្លា ៣កញ្ចប់ ទម្ងន់៣,៣៩ក្រាម,WY១កញ្ចប់ និងម៉ូតូ១គ្រឿងម៉ាកCBR ពណ៌ក្រហមបិទស្កុតខ្មៅ ពាក់ស្លាកលេខបន្ទាយមានជ័យ 1I.40.00 ,និងស្លាកលេខទុកសម្រាប់ដូរចំនួន២ មានលេខ បន្ទាយមានជ័យ1I.33.03 និងមួយទៀត សៀមរាប 1G.99.09 ព្រមទាំងសោ.ក.ម៉ូតូកាច់រួចចំនួន៣, កាំភ្លើងខ្យល់ចំនួន២ដើម,កូនសោរផ្ទះនិងសោរម៉ូតូមួយចំនួននិងឧបករសម្រាប់ជក់គ្រឿងញៀនមួយចំនួនផងដែរ។លោកវរៈសេនីយ៍ឯក បានបន្ត ទៀតថា ជនសង្ស័យចំនួន២នាក់និងវត្ថុតាងទាំងអស់នេះ កម្លាំងជំនាញកំពុងកសាងសុំណុំរឿងបញ្ចូនទៅតុលាការនៅរសៀលថ្ងៃទី៣០ខែមករាឆ្នាំ២០១៥ នេះដើម្បីចាត់ការតាមផ្លូវច្បាប់បន្ត ៕ លោក ខេង ខេមរា