ខេត្តព្រះវិហារតាមសេចក្ដីរាយការណ៍បានអោយដឹងថាមន្ដ្រីម្នាក់ជាដឺបេអគ្គបញ្ជាការដ្ឋានកងទ័ពជើងគោគត្រូវស្ថាប័នតុលាការខេត្តព្រះវិហារនិងកំលាំងសមត្ថកិច្ចនគរបាលរហ្មទណ្ឌរិតស្រាលខេត្តចុះចាប់ឃាត់ខ្លួនកាលពីរសៀលថ្ងៃទី២៤កុម្ភះ២០១៥ស្ថិតនៅភូមិពោធិ៍ឃុំពោធិ៍ស្រុកត្បែងមានជ័យពីបទគំរាមកំហែងជំរិតទារប្រាក់ខណះពេលជនសង្ស័យកំពុងដាក់កុងត្រូលជជុះនៅលើដងផ្លូវជាតិលេខ៩។សាក្សីឃើញហេតុការណ៍ចាប់ឃាត់ខ្លួនជនសង្ស័យម្នាក់នេះបានអោយដឹងថាការចុះចាប់ឃាត់ខ្លួននេះមិនមានកិច្ចសហការណ៍ជាមួយអាជ្ញាធរមានសមត្ថកិច្ចក្នុងមូលដ្ឋានអ្វីទាំងអស់គឺចុះចាប់ជនសង្ស័យជាសម្ងាត់រវាងស្ថាប័នតុលាការនិងនគរបាលព្រហ្មទណ្ឌនៃស្នងការដ្ឋាននគបាលខេត្ត។
ប្រជាពលរដ្ឋបានរាយការណ៍អោយដឹងថាជនសង្ស័យដែលត្រូវចាប់ខ្លួននោះគ្មាននរណាម្នាក់ស្គាល់ពីអត្តសញ្ញាណរបស់គាត់ទ្បើយគ្រាន់តែដឹងថាជនសង្ស័យនោះជាមន្ដ្រីយោធាដឺបេកងទ័ពជើងគោកឈរជើងនៅឃុំពោធិ៍និងឃុំប្រមេរស្រុកត្បែងមានជ័យដែលសំបូរក្រុមឈ្មួញដឹកជញ្ជូនបទល្មើសព្រៃឈើចូលក្រុងព្រះវិហារក្នុង១ថ្ងៃៗមានចំនួនចាប់ពី៥០រថយន្ដទ្បើងទៅនិងមានរណាយន្ដទំនើបៗរាប់រយគ្រឿងអារបំផ្លាញព្រៃឈើក្នុងសហគមការពារអភិរក្សព្រៃព្រះរការ។
សមត្ថកិច្ចម្នាក់ដែលស្និតស្នាលជាមួយអ្នកសារព័ត៌មានបានបង្ហើបអោយដឹងនៅព្រឹកថ្ងៃទី២៦កុម្ភះ២០១៥ថាពិតជាមានការចុះចាប់ឃាត់ខ្លួនមន្ដ្រីដឺបេកងទ័ពជើងគោកម្នាក់ប្រាកដមែនករណីគាត់ចាប់រណាយន្តចំនួន២គ្រឿងពីកម្មករអារឈើក្នុងព្រៃហើយបានកំហែងជំរិតទារប្រាក់មួយចំនួនធំជាថ្នូរប្រគល់វត្ថុតាងអោយទៅម្ចាស់វិញ។ជនសង្ស័យត្រូវបានតុលាការចេញដីការឃុំខ្លួនដាក់ពន្ធនាគារខេត្តកាលពីថ្ងៃទី២៥កុម្ភះ២០១៥។
លោកប៉ាងវ៉ាន់ឌីអធិការនគរបាលស្រុកត្បែងមានជ័យបានអោយដឹងថាតាមការស៊ើបសួរនិងស្រាវជ្រាវជនសង្ស័យម្នាក់នោះមិនមែនជាមន្ដ្រីក្របខណ្ឌពេញសិទ្ធទេគឺគាត់គ្រាន់តែជាភ្នាក់ងាររាយការណ៍អោយអង្គភាពដឺបេកងទ័ពជើងគោកតែប៉ុណ្ណោះ។ការចុះចាប់ឃាត់ខ្លួននេះយោងទៅតាមពាក្យបណ្តឹងរបស់ជនរងគ្រោះប្ដឹងទៅកាន់នគរបាលជំនាញព្រហ្មទណ្ឌខេត្តបន្ទាប់មកក៍មានការចាប់ឃាត់ខ្លួនតែម្ដង។លោកខាត់ហ៊ុនប្រធានការិយាល័យនគរបាលព្រហ្មទណ្ឌកំរិតស្រាលខេត្តមិនអាចទាក់ទងបានទេដោយសារគាត់មិនលើកទទួលទូរស័ព្ទហៅចូលចំនួន៣ដងដើម្បីចង់ដឹងថាជនសង្ស័យដែលគាត់ចាប់ខ្លួននោះមានអត្តសញ្ញាណដូចម្ដេច។
គួររំលឹកថាការជួញដូរបទល្មើសព្រៃឈើគេចពន្ធទ្រង់ទ្រាយធំអស់រយះពេលជិត៧ឆ្នាំកន្លងមកនេះរួមមានការប្រមូលទិញលក់ឈើគ្រញូងបេងធ្នង់នាងនួននិងឈើជ្រាយនៅខេត្តព្រះវិហារភាគច្រើនជាសមត្ថកិច្ចកងកំលាំងនិងមានស្ថាប័នអនុវត្តច្បាប់មួយចំនួនខំកាងឈ្មួញឈើទុច្ជរិតថែមទៀតផង។
តាមសេចក្ដីរាយការណ៍ពីភ្នាក់ងារបានអោយដឹងថាក្រុមសមត្ថកិច្ចចម្រុះនិងមានទាំងមន្ដ្រីបរិស្ថានដែលអាងអំណាចបុណ្យសក្ដិបាននាំគ្នាដាក់កុងត្រូលជជុះក្នុងរូបភាពបន្លំភ្នែកសាធារណជនជាទីស្នាក់ការស្របច្បាប់នៅតាមផ្លូវជាតិលេខ៦២ទៅកាន់ខេត្តកំពង់ធំផ្លូវជាតិលេខ៦៤ទៅកាន់ខេត្តឧត្តរមានជ័យនិងផ្លូវជាតិលេខ៩ទៅកាន់ខេត្តស្ទឹងត្រែង។
ភ្នាក់ងារបានបន្តទៀតថាកុងត្រូលជជុះដែលសំបូរមានសមត្ថកិច្ចជើងខ្លាំងខាងជំរិតទារប្រាក់ពីក្រុមឈ្មួញឈើរាប់រយនាក់ទាំងនោះសរុបមានប្រមាណ៥០កន្លែងដែលពួកគេអាចគេចផុតពីសំណាញ់ច្បាប់ផ្តន្ទាទោសយ៉ាងសុខសាន្ដហើយកំពុងដេកសោយសុខលើគំនរលុយក្រៅផ្លូវច្បាប់ថែមទៀតផង។
យើងសង្កេតឃើញច្បាស់ណាស់ថាអាជ្ញាធរមានសមត្ថកិច្ចនៅទូទាំងខេត្តព្រះវិហារគោរពអនុវត្តច្បាប់មានភាពលម្អៀងគួរអោយព្រួយបារម្ភគឺរឹតបន្តឹងចាប់ចងមនុស្សសុទ្ធតែជាជនស៊ីវិលគ្មានអំណាចបុណ្យសក្ដិរីឯបុគ្គលសមត្ថកិច្ចកងកំលាំងធ្វើខុសច្បាប់ប៉ុនណាក៍ដោយតែងតែមានការយោគយល់ខុសនិតិវិធីច្បាប់ក្រមព្រហ្មទណ្ឌដែលរដ្ឋធម្មនញ្ញជាច្បាប់កំពូលរបស់រដ្ឋបានចែងអោយអនុវត្តដាក់ទោសទណ្ឌស្មើៗភាពគ្នា៕បញ្ជាក់រូបភាពសង្ស័យជាកុងត្រូលជជុះក្នុងរូបភាពជាទីស្នាក់ការបរិស្ថានដែនជម្រកសត្វព្រៃបឹងពែរស្របច្បាប់នៅភូមិរំចេកទល់មុខទីតាំងផ្នែករដ្ឋបាលព្រៃឈើរវៀង។
