មេដឹកនាំអាមេរិក កូរ៉េខាងត្បូង និង ជប៉ុនបានជួបពិភាក្សាត្រីភាគីបន្ទាប់ពី កិច្ចប្រជុំស្ដីពីសន្ដិសុខបរមាណូនៅទីក្រុង ឡាអេ ប្រទេសហុល្លង់ ។ ប៉ុន្ដែចំណុច ដែលចាប់អារម្មណ៍ក្នុងជំនួបនោះ ប្រធា នាធិបតីកូរ៉េខាងត្បូងលោកស្រីផាក យុង ហេ និងនាយករដ្ឋមន្ដ្រីជប៉ុនលោកស៊ីន ហ្សូ អាបេ
ដោយប្រទេសទាំងពីរនៅ មានចំណុចអវិជ្ជមានជាច្រើន ។
នៅក្នុងជំនួបត្រីភាគី ប្រធានាធិបតី អាមេរិក លោកបារ៉ាក់ អូបាម៉ា បាន បញ្ជាក់ថា អាមេរិកបានចាត់ទុកទំនាក់ ទំនងរវាងជប៉ុននឹងកូរ៉េខាងត្បូងជា សំខាន់ ដោយប្រទេសទាំងពីរសុទ្ធសឹងតែ ជាសម្ពន្ធមិត្ដដ៏សំខាន់របស់អាមេរិកនៅ អាស៊ីប៉ាស៊ីហ្វិក ។ សម្ពន្ធមិត្ដទាំងពីរ អាចជួយរក្សាសន្ដិសុខសណ្ដាប់ធ្នាប់នៅ ក្នុងតំបន់អាស៊ី ដូច្នេះជំនួបត្រីភាគីមាន សារសំខាន់យ៉ាងខ្លាំងក្នុងការរក្សាសន្ដិ ស្ថិរភាពក្នុងតំបន់ ។
នៅក្នុងជំនួបនោះ មេដឹកនាំកូរ៉េខាង ត្បូង និងជប៉ុនមិនបានលើកឡើងពីវិវាទ ជាប្រវត្ដិសាស្ដ្រនោះឡើយដែលអាចធ្វើ ឱ្យបរិយាកាសជំនួបត្រីភាគីអាប់អួរ ។
ប្រធានាធិបតីកូរ៉េខាងត្បូង លោក ស្រីផាក យុងហេ មានប្រសាសន៍ថា ជា មួយនឹងអសន្ដិសុខកាន់តែខ្លាំងឡើងនៅ ឧបទ្វីបកូរ៉េ សុទ្ធសឹងតែជាចំណុចដែល ប្រទេសទាំងបីចាំបាច់ត្រូវតែអង្គុយ ពិភាក្សាគ្នាស្វែងរកដំណោះស្រាយ ពិសេសកម្មវិធីបរមាណូកូរ៉េខាងជើង ។
ចំណែកនាយករដ្ឋមន្ដ្រីជប៉ុន លោក ស៊ីនហ្សូ អាបេបានស្ងើចសរសើរដល់ ជំនួបពិភាក្សានេះថាជាជំហានវិជ្ជមាន មួយក្នុងការឆ្ពោះទៅរកកិច្ចសហប្រតិ បត្ដិការលើគ្រប់វិស័យឱ្យកាន់តែទូលំ ទូលាយ ។ លោកអាបេ មានប្រសាសន៍ ថា “លោកពិតជាមានភាពសប្បាយរីក រាយជាខ្លាំង ដែលបានជួបពិភាក្សារវាង ជប៉ុន នឹងកូរ៉េខាងត្បូង ហើយជំនួបពិភាក្សា នេះមានអត្ថន័យធំធេង និងទាន់ពេល វេលាក្នុងការពង្រីកកិច្ចសហប្រតិបត្ដិ ការ ។
ជប៉ុននិងកូរ៉េខាងត្បូងនៅមានវិវាទ ជាច្រើនដែលមិនទាន់អាចដោះស្រាយ បាន ពិសេសគឺបញ្ហាប្រវត្ដិសាស្ដ្រពាក់ ព័ន្ធសង្គ្រាមត្រួតត្រារបស់ជប៉ុនទៅលើ កូរ៉េខាងត្បូង និងទាសករបម្រើផ្លូវភេទ ទាហានជប៉ុន ៕
