ខេត្តកំពង់ធំ. ដោយមានការយកចិត្តទុកដាក់ របស់អង្គភាពរដ្ឋករទឹក និងអង្គការICS ដើម្បីសុខភាពអានាម័យក្នុងការប្រើប្រាស់ទឹក ដល់ប្រជាពលរដ្ឋនៅក្នុងស្រុកស្ទោង ទើបមានការប្រជុំផ្សព្វផ្សាយពីគុណភាពទឹកដែលមានការផ្លាស់ប្តូរពីទឹកស្ទឹងមកទឹកអណ្តូងដែលមានគុណភាព សម្រាប់ទទួលទាននិងប្រើប្រាស់ទឹក បន្ទាប់ពីទឹកស្ទឹងស្ទោងបានស្រកដែលមិនអាចយកមកប្រើប្រាស់បាន ម្យ៉ាងទៀតគោ ក្របី រួមទាំងមានការសាង់សង់ស្ពានបណ្តាលឲ្យទឹកគ្មានគុណភាណ នៅព្រឹកថ្ងៃទី ៦ ខែ មិនា ឆ្នាំ ២០១៥។
លោក. ឡេង សាវី ប្រធានអង្គភាពរដ្ឋករទឹកស្រុកស្ទោង បានធ្វើសេចក្តីផ្សព្វផ្សាយ ពីការផ្លាស់ប្តូរការប្រើប្រាស់ទឹកពីទឹកស្ទឹងមកទឺកអណ្តូង មូលហេតុបណ្តាលមកពី នារដូវប្រាំងស្ទឹងមានការរីងស្ងួតហួតហែង និងគុណភាពទឹកមានភាពថយចុះ ដូច្នេះទើបរដ្ឋករទឹកបាន ប្រើប្រាស់ទឹក អណ្តូងមកជំនួសវិញ ដែលមានជំរៅជាង២០០ម ក្រោមការឧបត្ថម្ភរបស់អង្គការ ICS និងអង្គការសុខភាពពិភពលោក ចំណែកគុណភាព ទឹកថ្លាជាងមុន និងមានប្រព័ន្ឋសំលាប់មេរោគ យ៉ាងត្រឹមត្រូវដោយមានការត្រួតពិនិត្យពីក្រសួង ដោយមានការពិសោធន៍យ៉ាងត្រឹមត្រូវ ទើបបានជូនដល់ប្រជាពលរដ្ឋប្រើប្រាស់ ។
លោក តាំង. សុចិត្តត្រា អនុប្រធាននាយកដ្ឋានទឹកស្អាត បានបញ្ជាក់បន្ងែមពីចំនុចសង្ស័យរបស់ប្រជាពលរដ្ឋដែលបានលើឡើង ពីការព្រួយបារម្ភណ៍ ទឹកខណះពេលដែលបើកក្បាលរូមេនេរដំបូង ទឹកមានភាពកករបន្តិច និងមានក្លិនថ្នាំ លោកបានបញ្ជាក់ថា នេះជាក្លរសំរាប់សំលាប់មេរោគទឹក ដោយពុំមានការប៉ះពាល់ដល់សុខភាពនោះទេ និងសូមឲ្យក្រុមហ៊ុនក៏ដូចជាប្រជាពលរដ្ឋជួយផ្តល់ ពត៍មានខណះពេលដែល ប្រព័ន្ឋទឹកស្អាតជួបនូវបញ្ហារ ដូចជាដាច់ និងការកាយធ្វើផ្លូវសាងសង់ថ្នល់ និងបញ្ហារផ្សេងៗ ដែលបណ្តាលឲ្យមានការរាំងស្ទះក្នុងការប្រើប្រាស់ទឹក ។
លោក បណ្ឌិត អ៊ុយ ដាវិន ប្រធានក្រុមហ៊ុនអជីវកម្ម ឧស្សាហកម្មម្ហូបអាហារ បានពន្យល់ដល់សិក្ខាកាមនៅក្នុងអង្គប្រជុំ ដើម្បីឲ្យមានកាយល់ច្បាស់កាន់តែស៊ីជម្រៅ ក្នុងការបិរភោគទឹក ដែលបណ្តាលឲ្យសុខភាពរ៉ឹងមាំ សុខភាពល្អ មិនអន្តរាយនិងផលប៉ះពាល់ដល់ប្រព័ន្ឋរំលាយនៅក្នុងរាងកាយ និងពិធីការពារក្នុងអោយមានជាតិអាស៊ិតក្នុងខ្លួន ក្នុងនោះលោកបានបញ្ជាក់ថា ការពិសារទឹកដែលមានជាតិកំបោរច្រើន មានជាតិរ៉ែច្រើន ធ្វើឲ្យសុខភាពរាងកាយមាំមួន ដូច្នេះនៅក្នុងប្រទេសកម្ពុជាមានតំបន់ខ្លះពុំសូវមានជាតិកំបោរ មនុស្សម្នាក់ត្រូវពិសារទឹកឲ្យបានយ៉ាងតិច២លិតកន្លះជារាងរាល់ថ្ងៃ ព្រោះរាងកាយរបស់មនុស្សត្រូវការទឹក និងមានជាតិទឹកក្នុងខ្លួន៦០ភាគរាយក្នុងមនុស្សម្នាក់ និងត្រូវជ្រើសរើសទឹកសម្រាប់បរិភោគ តែបើសិនពិសារទឹកដាំពុះគឺជាការល្អប្រសើរ ។
ដោយ ប៊ុន រដ្ឋា