ភ្នំពេញៈ កម្លាំងសមត្ថកិច្ច២នាក់ បានរងរបួសធ្ងន់ស្រាល ខណៈដែលជិះម៉ូតូល្បាត់ ហើយត្រូវបានបុរស ជន ជាតិចិនម្នាក់ និងស្ត្រីម្នាក់រូចដំណើរជាមួយ បើករថយន្តCRVឆ្លងផ្លូវមិនប្រយ័ត្ន ជ្រុលបុក កាលពីវេលា ម៉ោង ២១និង៤០នាទីយប់ ថ្ងៃទី៨ ខែមិនា ឆ្នាំ២០១៥ នៅតាមបណ្តោយផ្លូវសហព័ន្ធរុស្ស៊ី ស្ថិតក្នុងសង្កាត់ចោមចៅ ខណ្ឌពោធិ៍សែនជ័យ ។
យោងតាមប្រភពព័ត៌មាន ពីកន្លែងកើតហេតុ បានឲ្យដឹងថា មុនពេលកើតហេតុ គេបានឃើញកម្លាំង សមត្ថកិច្ច២នាក់ ជិះម៉ូតូមួយគ្រឿង ម៉ាកFTR ពណ៌ខៀវ ពាក់ស្លាកលេខ នគបាល ធ្វើដំណើរតាម បណ្តោយ ផ្លូវសហព័ន្ធរុស្ស៊ី ក្នុងទិសដៅពីលិចទៅកើត ខណៈមកដល់ចំណុចកើតហេតុ ក៏ត្រូវរថយន្តCRV មួយគ្រឿង បើកបរដោយបុរសជនជាតិចិនម្នាក់ និងស្ត្រីម្នាក់ទៀត រួមដំណើរជាមួយ បានបើកឆ្លងផ្លូវមិនប្រយ័ត្ន ក៏ជ្រុល បុកពេញទំហឹង បណ្តាលឲ្យរងរបួសធ្ងន់ និងស្រាល ។
ក្រោយពេលកើតហេតុ ជនរងគ្រោះត្រូវបានរថយន្តសង្គ្រោះ ដឹកទៅសង្គ្រោះនៅមន្ទីរពេទ្យភ្លាម ចំណែករថយន្តនិងម៉ូតូ សមត្ថកិច្ចធ្វើការវាស់វែង យកទៅរក្សាទុកនៅអធិការដ្ឋាន នគរបាលខណ្ឌពោធិ៍សែនជ័យ ដើម្បីរងចាំដោះស្រាយពេលក្រោយ ៕
