រាជធានីភ្នំពេញ៖ បញ្ជាការឯកភាពសង្កាត់ភ្នំពេញថ្មី ដឹកនាំដោយលោក ជុំ សារ៉ាយ ចៅសង្កាត់ភ្នំពេញថ្មី នៅព្រឹកថ្ងៃទី២០ មីនា នេះ បានដឹកនាំកម្លាំងចុះបង្ក្រាបទីតាំងហ្គេម ១កន្លែង នៅចំណុចផ្ទះលេខ៦៦ ផ្លូវ៥៩៨ ភូមទំនប់ សង្កាត់ភ្នំពេញថ្មី ខណ្ឌសែនសុខ ដោយក្នុងនោះគណះបញ្ជាការឯកភាពសង្កាត់បានរឹបអូសទូរហ្គេមបាញ់ត្រីធំចំនួន០១(ទួភ្លោះ) ម៉ូតូ៣គ្រឿង និងសម្ភារមួយចំនួនទៀត។
អំឡុងពេលចុះបង្ក្រាប អ្នកគ្រប់គ្រង់ទីតាំងហ្គេមខាងលើ បាននិយាយថា រូបគេគ្រាន់តែជាអ្នកមើលខុសត្រូវតែប៉ុណ្ណោះ ហើយម្ចាស់ទីតាំងហ្គេមនេះជាអ្នកមានអំណាចម្នាក់ ទីតាំងនេះធ្លាប់ត្រូវបានកម្លាំងអាវុធហត្ថរាជធានីចុះបង្ក្រាបម្តងរួចមកហើយប៉ុន្តែដោយសារតែម្ចាស់ទីតាំងខាងលើនេះជាអ្នកមានអំណាចទើបបើកលេងទៀត។
ទាក់ទិនករណីនេះលោក ជុំ សារ៉ាយ បានមានប្រសាសន៍ថា ម្ចាស់ផ្ទះឈ្មោះឡង់ ស៊ីណា ភេទស្រី អាយុ ជាង៥០ឆ្នាំ ។ដែលជាអ្នកមើលការខុសត្រូវនៅទីនេះមិនបានប្រាប់ពីឈ្មោះហ្គេមនេះទេគ្រាន់តែប្រាប់ថាជារបស់ក្រុមហ៊ុនតែប៉ុណ្នោះ។ លោកជុំ សារ៉ាយបានបន្តទៀតថាកន្លងមកអាជ្ញាធរសង្កាត់ និងខណ្ឌធ្លាប់បានចុះណែនាំទីតាំងនេះជាច្រើនលើកច្រើនសារមកហើយ ប៉ុន្តែម្ចាស់ទីតាំងខាងលើនៅតែមិនព្រមបញ្ឈប់ ទើបលោកដឹកនាំកម្លាំងចុះរឹបអូសតែម្តង។ បច្ចុប្បន្នវត្ថុតាងដែលរឹបអូសបាន ត្រូវបាននាំមករក្សាទុកនៅសង្កាត់ភ្នំពេញថ្មីដើម្បីចាត់ការបន្តតាមផ្លូវច្បាប់៕