ខេត្តបន្ទាយមានជ័យ៖កងរាជអាវុធហត្ថខេត្តមានចំនួន២នាក់និងមន្ត្រីមន្ទីកសិកម្មខេត្តចំនួន៣នាក់បានសហការណ៍គ្នាចុះចាប់ជីសញ្ញាកងចក្រសំរាប់យកទៅទ្រាប់បាទពេលដាំដំឡូងគេចពន្ធ័មានចំនួន២គោយន្តស្មើនិងជិត៦តោនយកមកមន្ទីរកសិកម្មខេត្តចាត់ការទៅតាមផ្លូវ
ច្បាប់។ការចាប់ជីគេចពន្ធ័បានចំនួនជិត៦តោននោះនៅវេលាម៉ោង៩យប់ថ្ងៃទី២៧ខែមិនាឆ្នាំ២០១៥នៅចំណុចផ្លូវលំស្ថិតនៅភូមិ ខ្វាវ ឃុំរលួស ស្រុកស្វាយចេក ខេត្តបន្ទាយមានជ័យ។សមិត្តកិចចំរុះបានប្រាប់ឲ្យដឹងថាម្ចាស់ដឹកជីគេចពន្ធ័មានឈ្មោះសៀមសុបិនភេទ ប្រុស អាយុ២៦ឆ្នាំរស់នៅភូមិ ថ្មី ឃុំថ្មី ស្រុកថ្មពួក ខេត្តបន្ទាយមានជ័យ។បើតាមម្ចាស់ជីបានឲ្យដឹងថាគាត់បានដឹកជីគេចពន្ធ័សញ្ញាកងចក្រមានចំនួនជិត៦តោននេះគឺដើម្បីយកមកដាក់សំរាប់ក្រាលបាទដាំដំឡូងពេលដែលដាំព្រោះជីនេះពុំមានដាក់លក់នៅក្នុងស្រុកខ្មែរឡើយទើបគាត់ចូលទៅទិញនៅស្រុកថៃរួចដឹកមកកាត់តាមច្រករបៀងចំការគដឹកកាត់តាមផ្លូវលំនៅចំណុចកើតហេតុស្រាប់តែមានសមិត្តកិច្ចចំរុះចុះមកឃាត់រួចបញ្ជូនគោយន្តទាំង២គ្រឿងនេះមកមន្ទីរកសិកម្មខេត្តតែម្តង។បើតាមការអះអាងពីម្ចាស់ជីបានបញ្ជាក់ទៀតថាជីនេះមាន២ប្រភេទទី១ជីត្រាកងចក្រមានចំនួន៥០ការុងមួយការុងតំលៃ២៦០បាទចំណែក២ជីមានឈ្មោះត្រាឡានមានចំនួន១៥ការុងមួយការុងតំលៃស្មើនិង៥០០បាទ។លោកសេងម៉េងអនុប្រធានការិយាល័យនីតិកម្មកសិកម្មខេត្តបន្ទាយមានជ័យបាននិយាយថាជីគេចពន្ធ័ដែលក្រុមសមិត្តកិច្ចចាប់យកមកដាក់នៅមន្ទីរកសិកម្មខេត្តមានចំនួន២គោយន្តដែលដឹកចេញតាមច្រករបៀងចំការគយកកមដាក់នៅមន្ទីរកសិកម្មនោះលោកនិងធ្វើការវិន័យអន្តរកាលទៅតាមច្បាប់ដើម្បីបញ្ចប់រឿនៅមន្ទីរកសិកម្មតែម្តងតែបើម្ចាស់ជីមិនព្រមលោកនិងបញ្ជូនជីនោះទៅតុលាការដើម្បីចាត់ការទៅតាមច្បាប់តែម្តង៕គង្គា
