កំពត៖ ប្រជាពលរដ្ឋប្រមាណជាច្រើនគ្រួសារដែលមានលំនៅដ្ឋានក្បែរដងផ្លូវខាងត្បូងរដ្ឋករទឹក ស្ថិតក្នុងភូមិទ្វីខាងត្បូង សង្កាត់អណ្តូងខ្មែរ ក្រុងកំពតដែលផ្ទះមួយជួរនេះ សុទ្ឋតែប្រកបអាជីវកម្មលក់ដូរឥវ៉ាន់ចាប់ហួយ លក់កាហ្វេ និងធ្វើអាជីវកម្មផ្សេងៗនៅមុខផ្ទះ ហើយត្រូវអង្គភាពរដ្ឋករទឹកខេត្ត រៀបចំតបណ្តាញទឹកថ្មីជីករណ្តៅនៅតាមមុខផ្ទះរបស់បងប្អូនដោយទុករណ្តៅរយះពេលយូរ ធ្វើឲ្យបងប្អូនរាំងស្ទះការប្រកបអាជីវកម្មរកសុីប្រចាំថ្ងៃ ។
ប្រជាពលរដ្ឋដែលជួបការរាំងស្ទះការងាររកសុីទាំងនោះបានប្រាប់អ្នកយកព័ត៌មានយើងថាៈ ការជីករណ្តៅបង្កប់ទុយោទឹករបស់អង្គភាពរដ្ឋករទឹកនេះទោះបីជីកប៉ះពាល់ដល់ក្នុងបរិវេណមុខផ្ទះរបស់ពួកគាត់ក៍ពួកគាត់មិនទំនាស់អ្វីដែរ ប៉ុន្តែសុំឲ្យខាងរដ្ឋករទឹកមេត្តាកុំពន្យាពេលទុករណ្តៅដែលជីកនោះរយះពេលយូរពេក បើជីកហើយទុករណ្តៅនោះពីដប់ថ្ងៃទៅម្ភៃថ្ងៃពួកគាត់ពិតជាជួបការលំបាកក្នុងការប្រកបអាជីវកម្មលក់ដូររកសីុទទួលទានប្រចាំថ្ងៃរបស់ពួកគាត់ហើយ ពីព្រោះរណ្តៅដែលជីកបង្កប់ទុយោរទឹកនោះ បើផ្ទះលក់កាហ្វេវិញចូលចង់ពាក់
កណ្តាលរោងលក់កាហ្វេទៅហើយ ។ ចំណែកនៅមុខផ្ទះផ្សេងៗបួនទៅប្រាំគ្រួសារទៀតក៍ជួប ការលំបាកបញ្ហាទុករថយន្តឬបណ្តើរម៉ូតូទុកក្នុងផ្ទះដើម្បីការពារសុវត្ថិភាពផងដែរ ។
បងប្អូនប្រជាពលរដ្ឋទាំងប៉ុន្មានគ្រួសារខាងលើសុំអោយលោកប្រធានអង្គភាពរដ្ឋករទឹកមេត្តា យោគយល់ពីការទុកលំបាកដល់ពួកគាត់ទាំងប៉ុន្មានគ្រួសារខាងលើនេះផង និងសូមខាងបច្ចេកទេសតបណ្តាញទឹកដាក់ទុយោរលប់ដីឲ្យបានឆាប់បន្តិចកុំពន្យាពេលយូរពេក ។ ពីព្រោះពួកគាត់ខកខានក្នុងការលក់ដូរផង លំបាកការរៀបចំទុកដាក់សម្ភារៈនៅក្នុងបរិវេណមុខផ្ទះដែលជីករណ្តៅនេះផងដែរ ។
ជុំវិញបញ្ហាខាងលើនេះភ្នាក់ងាររបស់យើងបានភ្ជាប់ទូរសព្ទ័ទៅលោក ប៊ុន ចាន់គង់ ប្រធានរដ្ឋករទឹកខេត្ត ដើម្បីសុំការបំភ្លឺ ត្រូវបានលោកប៊ុន ចាន់គង់ ប្រធានរដ្ឋករទឹកឲ្យដឹងថាៈមូលហេតុដែលមានការយឺតយ៉ាវបណ្តាលមកពីការដោះស្រាយទុយយោរមិនទាន់ហើយការជីករណ្តៅរបស់កម្មករមានការយឺតយ៉ាវបន្តិចដូច្នេះអង្គភាពរដ្ឋករទឹកកំពុងរិះរកមធ្យោបាយលៃលកឲ្យបានឆាប់ ជូនប្រជាពលរដ្ឋដូច្នេះសូមបងប្អូនមេត្តាយោគយល់ផងអធ្យាស្រ័យផង ៕