ខេត្តពេលចុះចែកអំណោយជលផលឆ្លើយថាផុតពេលបង្ក្រាបហើយ
កំពង់ឆ្នាំង៖ក្នុងពេលធ្វើដំណើរតាមកាណូតកាត់ព្រែកបង្ហូតក្នុងឃុំផ្លូវទូក ស្រុកកំពង់លែង កាលពីព្រឹកថ្ងៃទី១៤ ខែឧសភា ឆ្នាំ២០១៥ ជាមួយលោក ឈួរ ចន្ទ័ឌឿន អភិបាលខេត្តកំពង់ឆ្នាំង ចុះទៅចែកអំណោយជូនប្រជាពលរដ្ឋរងគ្រោះ៣៥គ្រួសាររលំផ្ទះដោយខ្យល់ព្យុះនៅភូមិពាមខ្នង ឃុំផ្លូវទូក ទាំងអ្នកយកពត៌មា នយើង ទាំងលោកអភិបាលខេត្ត មន្ត្រីរាជការ កងកម្លាំងប្រដាប់អាវុធ និងអាជ្ញាធរស្រុករាប់រយនាក់សុទ្ធ តែបានឃើញនិងភ្នែកផ្ទាល់ នូវបទល្មើសដាក់សម្រាស់ណែនព្រែកបង្ហូត រាប់គីឡូម៉ែត្រដូចគ្នា ពេលសួរ
មន្ត្រីរដ្ឋបាលជលផល គេឆ្លើយយ៉ាងស្រួលថា៖គេហ៊ុំចាប់ត្រីអស់ហើយគឺផុតពេលបង្ក្រាបទៅហើយ។ រឿងបទល្មើសដាក់សម្រាស់ក្នុងព្រែកបង្ហូតឡើងគោកព្រែកខាងលើពិតជាហួសចិត្តមែន ដែលគេមិននឹកស្មានដល់ថា ទាំងខណ្ឌ័ ទាំងផ្នែក ទាំងសង្កាត់នេសាទជលផល ជាសមត្ថកិច្ចជំនាញបែរជាឆ្លើយប្រាប់អ្នកយកព័ត៌មានយើងយ៉ាងធូរខ្សុយទៅវិញថា៖ពេលនេះជនល្មើសបានហ៊ុំចាប់ត្រីអស់ទៅហើយ គឺហួសពេលបង្ក្រាបទៅហើយ និងបើបង្ក្រាបក៏មិនដឹងជាត្រូវអូសសម្រាស់ទាំងនោះទៅចោលនៅទីណាទេ បើព្រែកតូចបែបនេះ ប្រហែលជាទុកអោយគោកព្រែកហើយទៅស្របច្បាប់តើមែនទេ!!លោកជលផល។
ទាក់ទងនិងបទល្មើសដាក់សម្រាស់នៅក្នុតំបន់នេះ ប្រជាពលរដ្ឋបានអោយដឹងថាពួកគាត់ដាក់សម្រាស់តិចតូចជាលក្ខណ្ណៈគ្រួសារទេ គឺដាក់ម្តុំៗម្នាក់ក្នុងព្រែកតាមមុខចំការរបស់ខ្លួន តែច្រើនគ្រួសារទៅក៏ណែនព្រែកបែបនេះតែម្តងទៅ តែពួកគាត់បានបង់លុយអោយលោកប្រធានសហគមន៍នេសាទ និងមន្ត្រីជំនាញរួចហើយបើមិនបង់លុយអោយទេ ក៏មិនអាចហ៊ុំចាប់ត្រីបានដែរ…!!។ បញ្ហាខាងលើនេះគេអោយដឹងថា អ្នកទទួលខុស និងទទួលត្រូវគឺមន្ត្រីជំនាញ តើច្បាប់ស្តីពីជលផលអោយធ្វើបែបនេះទេ ច្បាប់អនុញ្ញាតអោយដាក់សម្រាស់ជាលក្ខណ្ណៈគ្រួសារដែរឫទេ សម្រាស់គឺជាព្រៃឈើលិចទឹក តើច្បាប់អនុញ្ញាតអោយកាប់ព្រៃលិចទឹកយកមកដាក់សម្រាស់ចាប់ត្រីដែរឫទេ ថ្ងៃក្រោ យនិងអនាគតបើតែបែបនេះ គឺព្រែកទន្លេពិតជាគោក អស់ព្រៃលិចទឹកនិងត្រីពិតជាអស់ តើប្រវត្តិសាស្ត្រកូនចៅជំនាន់ក្រោយនិងស្តីបន្ទោសអ្នកណា រឿងនេះគឺខ្លួនឯងបំផ្លាញផលប្រយោជន៍ខ្លួនឯង កូនចៅខ្លួនឯង ភូមិឃុំខ្លួនឯង និងប្រទេសជាតិខ្លួនឯង ទាំងមិនដឹងភ្លេចខ្លួនហើយ។
ជាក់ស្តែងនៅពេលធ្វើដំណើរតាមព្រែកខាងលើនេះ តាមកន្លែកមួយចំនួនក្នុងព្រែកនេះគោករាក់នៅទឹកត្រឹមតែក្បាលជង្គង់ កាណូតបើកទៅស្ទើរតែមិនរួច មិនតែប៉ុណ្ណោះកាណូតជាច្រើនគ្រឿងបានេជាប់ស្លាបចក្រជាមួយសាច់អួនចាស់ៗដែលគេហ៊ុំសម្រាស់ទុកចោល ជាក់ស្តែងកាណូតបរិស្ថានខេត្តដែ លក្រុមអ្នកយកព័ត៌មានយើងជិះ បានជាប់ស្លាបចក្រជាមួយសាច់អួនខាងលើដល់ទៅ៥ដងឯណោះ។ លោក ឈួរ ចន្ទ័ឌឿន អភិបាលខេត្ត នៅក្នុពីធីចែកអំណោយជូនប្រជាពលរដ្ឋ៣៥គ្រួសារនៅក្នុងភូមិថ្នល់ឈើទាល និងភូមិពាមខ្នង ឃុំផ្លូវទូក ស្រុកកំពង់លែង ក៏បានដាស់តឿននិងណែនាំផងដែរ ដល់ប្រជាពលរដ្ឋយើងសូមកុំប្រើឧបករណ៍នេសាទខុសច្បាប់ កុំឆក់ត្រី កុំកាប់ព្រៃលិចទឹក កុំដាក់សម្រាស់ខុសច្បាប់ ដែលអាចប្រឈមនិងការចាប់ខ្លួនផ្តន្ទាទោសពីសមត្ថកិច្ចនិងតុលាការហើយ។លោកអភិបាលខេត្តក៏បានលើកដែរថា កន្លងមកលោកបានទទួលិខិតមួយច្បាប់ពីប្រជាពលរដ្ឋនៅស្រុកជលគីរី សុំអោយលោកជាអភិបាលខេត្តជួយអន្តរាគមន៍កូនពួកគាត់ដែលត្រូវតុលាការខេត្តចាប់ដាក់
គុកពីបទល្មើសឆក់ត្រី ដោយពួកគាត់និយាយថាកូនគាត់បានឆក់ត្រីយូរមកហើយ តែបែរជាតុលាការទើបតែចាប់ខ្លួនដាក់គុកទៅវិញ។ក្នុងរឿងនេះលោកអភិបាលខេត្តនិយាយថាអោយតែមានភស្តុ័តាងទោះយូរឫឆាប់តុលាការគេពិតជាមានសិទ្ធចាប់ជនល្មើសដាក់គុក លោកមិនដឹងជាជួយដូចម្តេចនោះទេ ព្រោះច្បាប់អ្នកណាក៏ត្រូវតែគោរពដែរបើល្មើសគឺពិតជាមានទោស៕