ខេត្តរតនគិរីៈ លោកអ៊ុក សំអុល អភិបាលក្រុងបានលុងហាក់ពុំមានប្រតិកម្មទៅលើលិខិតស្នើសុំផ្លាស់ប្តូរលោកចេញពីអភិបាលក្រុងបានលុងរបស់ឯកឧត្តមប៊ូ ឡាំ ទៅប្រធានគណៈកម្មាការទី៤នៃរដ្ឋសភាជាតិនោះទេ លោកនៅតែបន្តនូវការអភិវឌ្ឍន៍រៀបចំសណ្តាប់ធ្នាប់លើបរិវេណនៅជុំវិញផ្សារតាមការណែនាំថ្នាក់ខេត្តធម្មតា។ លោកអ៊ុក សំអុល អភិបាលក្រុងបានលុងបានមានប្រសាសន៍ការពាក់ព័ន្ធទៅនិងការស្នើសុំប្តូលតំណែងនេះថាលិខិតស្នើសុំអន្តរាគមន៍សុំផ្លាស់ប្តូរតួនាទីរបស់លោកមិនមានការភ្ញាក់ផ្អើលទេពីព្រោះការអភិវឌ្ឍន៍បរិវេនជុំវិញផ្សារនេះមិនមែនលោកធ្វើដោយចិត្តឯងនោះទេ គឺក្រោមបញ្ជានិងមានការឯកភាពពីគណៈកម្មាការថ្នាក់ខេត្ត។លោកលើកឡើងថា កន្លែងដែលលោករៀបចំសង់ធ្វើផ្សារfreeជូនបងប្អូនជនជាតិភាគតិច ជាកន្លែងគំនរសំរាមដ៏ស្អុយរលួយជាច្រើនអន្តាតមកហើយ ក្រោយពេល
លោកឡើងកាន់តំណែងថ្មី លោកក៏បានយកគ្រឿងចក្រទៅឈូសសំអាត តែលោកមិនទាន់បានរៀបចំផងខាងផ្សារបានញុះញ៉ុងឲ្យមនុស្សអោយទៅសង់តូបលក់អនាធិបតេយ្យដើម្បីជាទន់សំរាប់តបតប្រឆាំងបង្កការរាំងស្ទះការអភិវឌ្ឍន៍របស់អាជ្ញាធរក្រុង។ លោកបន្តទៀតថាបើទោះជាយ៉ាងណាលោកសុំមានគណៈកម្មាធិការចុះស៊ើបអង្កេតរកការពិត បើកលោកមានកំហុសលោកមិនតូចចិត្តទេ។ អាជីវករលក់ដូរក្នុងផ្សារនិងជុំវិញផ្សារបានលុងបានឲ្យដឹងដូចៗគ្នាថា ពួកគាត់មិនបានផ្តិតមេដៃសុំអោយទំលាក់អភិបាលក្រុងទេ ហើយពួកគាត់គ្រាន់តែលឺគេថា ផ្តិតមេដៃដើម្បីសុំអោយរក្សាដីខាងមុខផ្សារកុំអោយមានគេជួលឫលក់ឲ្យអ្នកមានលុយធ្វើផ្ទះល្វែងតែប៉ុណ្ណោះ។ ប្រជាពលរដ្ឋអាជីវកនៅផ្សារបានក្រុងលុងមួយចំនួនបានលួចខ្សឹបថា
មេដៃដែលផ្តិត២១១នាក់នោះ មិនមែនស្នាមមេដៃអាជីវករពិតប្រាកដទាំងអស់នោះទេ ស្នាមមេដៃពិតប្រាកដ មានត្រឹមតែប្រហែល២០ទៅ៣០នាក់ប៉ុណ្ណោះ ដែលជាប់ពាក់ព័ន្ធក្រុមគ្រួសារតំណាងក្រុមហ៊ុនផ្សារ ផ្តិតមេដៃចំនួន៧ដងក្នុងម្នាក់ៗ ក្រៅពីនោះអ្នករុញរទះដើរលក់លៀស ដើរលក់តាមជញ្ចើមថ្នល់ និងអ្នករត់ម៉ូតូឌុបមួយចំនួនក៏ជាអ្នកផ្តិតស្នាមមេដៃដោយមានគេសន្យាថាបើសិនជាដីបរិវេនជុំវិញផ្សារបានមកលើក្រុមហ៊ុនផ្សារគ្រប់គ្រងវិញពួកគាត់និងទទួលបានតូបលក់ម្នាក់មួយៗ ដោយឥតគិតថ្លៃ។ទោះជាយ៉ាងណាក៏ដោយជុំវិញការស្នើសុំរបស់ឯកឧត្តមប៊ូ ឡាំ ត្រូវបានមជ្ឈដ្ឋានប្រជាពលរដ្ឋនៅក្នុងក្រុងបានលុងសង្ស័យថាក្រុមហ៊ុនហេង ដារ៉ា របស់ឧកញ៉ាសា លាង ដែលបានបាត់បង់ផលប្រយោជន៍នោះជាអ្នកបំផុសផុលរឿងប្រឌិតញុះញ៉ុងនិងនៅពីក្រោយបញ្ហាទាំងនេះទើបរាំងស្ទះក្នុងការអភិវឌ្ឍន៍គំរោងរៀបចំផ្លូវជុំវិញផ្សារ និងការរៀបចំផ្សេងៗទៀតក៏ដូចជាសណ្តាប់ធ្នាក់ក្នុងក្រុងនោះដែរ៕
