សៀមរាប៖ ព្រឹកថ្ងៃទី០១ ខែមិថុនា ឆ្នាំក២០១៥ បាន រៀបចំទិវាកុមាអន្តរជាតិ១មិថុនា នៅធ្វើភោជនីដ្ឋាន អាប៉ូឡូផ្លាហ្សា សៀមរាបក្រោមអធិបតីភាព ឯក ឧត្តម ឃឹម ប៊ុនសុង អភិបាលខេត្តសៀមរាប ឯកឧត្តម ឧកញ៉ា សៀងណាំ អ្នកតំណាងរាស្ត្រមណ្ឌលសៀមរាប និងលោក
ជំទាវនិង ឯកឧត្តម អ៊ឹម ហឿន សមាជិកក្រុមប្រឹកក្សាខេត្ត។
មានអង្គកាប្រមាណជាង៣០អង្គកាចូលរួមហើយនិងកុមារ ចូលរួមប្រមាណជាង ១០០០នាក់ ជារៀងរាល់ឆ្នាំ ខេត្តសៀមរាបបានប្រារព្ធទិវាកុមារអន្តរជាតិ ១មិថុនា ដែលពិភពលោកបានកំណត់យកថ្ងៃទី១មិថុនា ជាទិវាចងកំហឹងឈឺចាប់ពុះពារ ហើយក៍ជាទិវាមួយដែលបំផុសស្មាតីដល់មនុស្សជាតិទាំងមូលអោយយកចិត្ត ទុកដាក់ចំពោះសុខមាលភាពកុមារទាំងឡាយ និងជាទិវាសាមគ្គីអន្តរជាតិរបស់កុមារលើពិភពលោក ។ ជាង៣០ឆ្នាំកន្លងមក គីនៅចន្លោះឆ្នាំ១៩៧៥ ១៩៧៩ មានព្រឹត្តិការណ៌មួយគួរអោយឈឺចាប់ខ្លោចផ្សារជាង ឧក្រឹដ្ឋកម្មរបស់ពួកហ្វាស៊ីននៅលើឌីស៊ែនិងអ៊ូរ៉ាឌូទៅទៀត គឺរបបប្រល័យពូជសាសន៌ប៉ុលពត អៀងសារី និងខៀវសំផន បានធ្វើកាសម្លាប់យ៉ាងរង្គាលលើប្រជារាស្ត្រ និងកុមារកម្ពុជាយើង ពិសេស នៅពេលនោះកុមារកម្ពុជាត្រូវស្លាប់ដោយការបោកនិងគល់ឈើ ចាក់នឹងចំពុះទង់កាំភ្លើង និងការបង្អត់អាហារ ។ល។ កុមារជំទង់ត្រូវពួកវាចាប់បង្ខំធ្វើការហួសកំលាំង គ្នានសាលារៀន គ្នានសំលៀកបំពាក់ គ្នានថ្នាំសង្កូវព្យាបាល រស់នៅដូចសត្វធាតុ ប្រវត្តសាស្ត្រដ៍ជូរចត់នេះត្រូវបានមតិជាតិ និងអន្តរជាតិថ្កោលទោសយ៉ាងម៉ឺងម៉ាត់បំផុត ។
ឯកឧត្តម ឃឹម ប៊ុនសុង អភិបាលនៃគណអភិបាលខេត្ត បានសង្កត់ធ្ងន់ថា ទិវាកុមារអន្តរជាតិ ១មិថុនា ក្រោមប្រធានបទ លើកកម្ពស់អាហាររូបត្ថម្ភប្រកបដោយ គុណភាព ដើម្បីអភិវឌ្ឍកុមារ និងទិវាពិភពលោកប្រឆាំងពលកម្មកុមារ ១២មិថុនា ក្រោមប្រធានបទ គ្នានពលកម្មកុមារ ផ្តល់ការអប់រំដែលមានគុណភាព ដើម្បីរំលឹកដល់សិទ្ធិជាមូលដ្ឋានរបស់កុមារ និងបង្ហាញពីការយកចិត្តទុកដាក់របស់រាជរដ្ឋាភិបាលក្នុងការដោះស្រាយបញ្ហាប្រឈមទាំងឡាយរបស់ កុមារ ការអប់រំប្រកបដោយគុណភាពកុមារ និងលប់បំបាត់ពលកម្មកុមារ ។ ការប្រារព្ធទិវានេះ ស្របតាមអនុសញ្ញា ស្តីពីសិទ្ធិកុមាររបស់អង្គការសហប្រជាជាតិ អនុសញ្ញាលេខ១៨២របស់អង្គការពលកម្មអន្តរជាតិ ស្តីពីការហាមប្រាម និងសកម្មភាពលប់បំបាត់ទម្រង់ធ្ងន់ធ្ងរពលកម្មកុមារ និងបទដ្ឋានជាតិនិងអន្តរជាតិ ស្តីពីសិទ្ធិកុមារ ។ ទិវានេះមានគោលបំណងជំរុញ
អោយមាតាបីតាទូទៅ ធានាអោយកុមារគ្រប់រូបទទួលបានការអប់រំគ្រប់គ្នា បន្តអនុវត្តគោលនយោបាយ ស្តីពីការថែទាំជំនួសចំពោះកុមារ ជំរុញការបង្កើតកម្មវិធីកិច្ចគាំពារសង្គម និងផ្តល់សេវាដល់កុមារ ប្រជុំផ្សព្វផ្សាយត្រូវផ្សព្វផ្សាយបង្កើតកម្មវិធីផ្សេងៗពាក់ព័ន្ធនឹងកុមារប្រកបដោយអត្ថន័យ ក្រសួង ស្ថាប័ន អាជ្ញាធរដែនដីគ្រប់លំដាប់ថ្នាក់ដៃគូអភិវឌ្ឍអង្គការជាតិ អន្តរជាតិ បង្កើតការវិនិយោគលើកុមារដែលជាធនធានដ៍សំខាន់ក្នុងការអភិវឌ្ឍប្រទេស និងសង្គមជាតិ ។ ក្នុងឱកាសនោះ ក៏មានការផ្តល់កាដូដល់កុមារ ហើយមានអាហាថ្ងៃត្រង់សាមគ្គីរួមគ្នាផងដែរ ៕
ដោយ ខេង ឧត្តម
