សៀមរាប. ពិធីចុះហត្ថលេខាM.O.U ចាប់ដៃគូរពាណិជ្ជកម្ម រវាងអ្នកជំនួញព្រះរាជណាចក្រថៃ.និងអ្នកជំនួញព្រះរាជាណាចក្រកម្ពុជា៣១គូរ ក្នុងតំលៃជាង ២០០០លានបាត ដើម្បីនាំចេញនូវផលិតផលនានាដែលផលិតបាន ចូលទីផ្សារអន្តរជាតិ ក៏ដូចជាការផ្លាស់ប្តូរនូវទំនិញទៅវិញទៅមក បានធ្វើឡើងនៅព្រឹកថ្ងៃទី ២៦ ខែ មិថុនា ឆ្នាំ ២០១៥ ។ពិធីនេះដោយមានការចូលរួមពីសំណាក់ឯកឧត្តម គឹម ឆៃហៀង អភិបាលរងខេត្តសៀមរាប ឯកឧត្តម គង់វិមានអភិបាលរងខេត្តកំពង់ធំ និងឯកឧត្តម អភិបាលខេត្តសុរិន្ទ និង ព្រមទាំងអ្នកធុរះកិច្ច ទាំងថៃ និងកម្ពុជាជាង២០០នាក់ ដែលបានមកពីខេត្តនគររាជស៊ីម៉ា ខេត្តបុរីរ័ម ខេត្តសុរិន្ទ ខេត្តជ័យភូមិ ខេត្តស៊ីសាកេត ខេត្តឧប៊ុនរាជធានី រួមជាមួយខេត្តខ្មែរមាន ខេត្តឧត្តមានជ័យ ខេត្តព្រះវិហារ ខេត្តកំពង់ធំ ខេត្តសៀមរាប និងខេត្តស្ទឹងត្រែង ឡើងក្មុងសណ្ឋាគារ អេរ៉ា ស្ថិតនៅក្នុងក្រុងសៀមរាប ខេត្តសៀមរាប ។
ឯកឧត្តម និរ៉ាន់ កណ្យាណមិត្ត អភិបាលខេត្តសុរិន្ទ បានមានប្រសាសន៍ សូមចូលរួមត្រេតអរចំពោះអ្នកជំនួញទាំង២ប្រទេស ដែលបានចុះហត្ថលេខាចាប់ដៃគូរ ដើម្បីពាណិជ្ជកម្ម រួមគ្នាដើម្បីនាំផលិតផលទាំង២ ប្រទេស ទិញលក់ទៅវិញទៅមក ការចុះហត្ថលេខាដើម្បីចាប់ដៃគូររវាងអ្នកវិនិយោគ នេះគឺជាការរឹតបន្តឹងចំណងមិត្តភាពរវាងប្រទេសទាំងពីរផងដែរ ដើម្បីជម្រុញឲ្យផលិតផលក្នុងស្រុកមានទីផ្សារ ហើយអាជ្ញាធរ ថៃនិងព្យាយាមបើកច្រកអន្តរជាតិនៅតាម ចំនុចផ្សេងៗដើម្បីឲ្យប្រជាពលរដ្ឋ ទាំងពីប្រទេសបាននាំផលិត ផលចេញទៅលក់នៅទីផ្សារ អាជ្ញាធរថៃ និងកម្ពុជា គាំទ្រឲ្យអ្នកវិនិយោគ និងអ្នកជំនួញ ក្នុងវិស័យកសិកម្ម ឧស្សាហកម្មនិង ទេសចរណ៍ ដើម្បីទទួលនូវសហគមន៍អាស៊ាន ហើយនិងធ្វើសកម្មភាពទំនាក់ទំនងផ្នែក ពាណិជ្ចកម្មជាមួយប្រទេសជិតខាងនិងពង្រីកទីផ្សាររបស់ប្រទេសកម្ពុជា ។
របស់លោក ឧកញ៉ា មាស ហន សភាពាណិជ្ជកម្ម ខេត្តសៀមរាប បានឲ្យដឹងថា ការជំនួបរវាង៦ខេត្តភាគីថៃ និង៥ខេត្តភាគីកម្ពុជា គឺជាការជម្រុញឲ្យមានការវិនិយោគផ្នែកពាណិជ្ជកម្ម កាន់តែប្រសើរឡើងនិងជាតំម្រូវការរបស់សហគមន៍អាស៊ាននេះ តាមរយះការចុះM.O.U និងអាចទទួលបានលទ្ធផលជាផ្លែផ្កាជាវិជ្ជមានជា មិនខាន និងសូមផ្តាំផ្ញើរដល់ អ្នកវិនិយោគ សហគគ្រិនវ័យក្មេង និងអ្នកវិនិយោគខ្នាត តូច និងខ្នាតធំ សុំឲ្យឆ្លៀតឳកាសជួបគ្នាឲ្យបានច្រើន ហើយយោគយល់គ្នា គោរពគ្នាទៅវិញទៅមក ទាំងផលប្រយោជន៍ ប្រទេស ក្រុមហ៊ុន និងបុគ្គល។
ឯកឧត្តម គឹម ឆៃហៀង អភិបាលរងខេត្តសៀមរាបបានមានប្រសាសន៍ថា ថ្ងៃនេះគឺជាថ្ងៃចុះហត្ថលេខា ដើម្បី យល់ចិត្តគ្នា រួមធ្វើសហប្រតិបត្តិការរវាង ព្រះរាជាណាចក្រថៃ និងព្រះរាជាណាចក្រកម្ពុជា ជាពិសេសខេត្ត ៦ ថៃ និងខេត្ត៥ របស់កម្ពុជា ដែលនៅជាប់តាមបណ្តោយព្រំដែន ដោយឡែកខេត្តសៀមរាប គឺជាគោលដៅ តំបន់ទេសចរណ៍ ដូច្នេះខេត្តសៀមរាបមានមោទនភាពក្រោយការដឹកនាំរបស់ឯកឧត្តមអភិបាលខេត្តសៀមរាប ដូច្នេះទើបសម្រេចយលខេត្តសៀមរាប ជាទីតាំងប្រជុំធ្វើប្រតិបត្តិការជាមួយគ្នា ផ្នែកកសិកម្ម ឧស្សាហកម្ម និងទេសចរណ៍ ហើយការចុះហត្ថលេខានេះគឺភាគីទាំងពីរយល់ចិត្តគ្នា ដើម្បីឲ្យសម្រេចបាន ជោគជ័យចាំបាច់ត្រូវមានការចុះ M.O.U ជាមួយគ្នា ដែលមានវិស័យកសិកម្ម១៣គូរ ឧស្សាហកម្ម និងទេសចរណ៍ ១៨គូរ នេះជាការជោគជ័យ រវាងប្រទេសទាំង២។
ដោយ ប៊ុន រដ្ឋា