ខេត្តសៀមរាប៖កម្លាំងនគរបាលខេត្តសៀមរាប កាលពីព្រឹកថ្ងៃទី០៦នេះបានធ្វើការនាំខ្លួនសកម្មជនគណះបក្សសង្គ្រោះជាតិចំនួន២នាក់ទៅអំណាចតុលាការ ដោយចោទពីបទញុះញុងឲ្យប្រព្រឹត្តបទឧក្រិដ្ឋ និងបង្កអសន្តិសុខ រារាំងការបោះឆ្នោតសហគមន៍ដឹកភ្ញៀ
វទេសចរកាលពីពេលកន្លងទៅ។ហេតុការណ៍នេះធ្វើឡើងនៅព្រឹកថ្ងៃទី០៦ខែកក្តដានៅភូមិត្នោតកំបុត ឃំុកំពង់ភ្លុក ស្រុកប្រាសាទបាគងរួចបញ្ជូនទៅការិយាល័យព្រហ្មទ័ណ្ឌកម្រិតស្រាលដើម្បីចាត់ការទៅតាមច្បាប់។លោកវរសេនីយទោ មិន ចន្ថា អធិការនគរបាលស្រុ
កប្រាសាទបាគង បានឲ្យដឹងថា ការចាប់ជនសង្ស័យទាំង២នាក់គឺធ្វើទៅតាមដេកាបង្គាប់របស់តុលាការដោយចោទប្រកាន់ពីបទញុះញុងឲ្យប្រព្រឹត្តបទឧក្រិដ្ឋដែលពួកគាត់បានប្រព្រឹត្តកាលពីថ្ងៃទី២៧ខែមិថុនាកន្លងទៅនេះនៅភូមិគោកក្តុល ឃំុកំពង់ភ្លុក។លោកបន្តថា ជនសង្ស័យទាំង២នាក់មានឈ្មោះទី១ឈរ គុជស៊ាក់ ភេទប្រុសអាយុ៣១ឆ្នាំ ទី២ហុង ណាក់ ភេទ
ប្រុស អាយុ៣៥ឆ្នាំរស់នៅឃំុកំពង់ភ្លុក។លោកភូ សំអាតអភិបាលស្រុកប្រាសាទបាគងបានឲ្យដឹងថា ជនសង្ស័យទាំងពីរនាក់នេះគឺជាសកម្មជនគណះបក្សសង្គ្រោះជាតិ ហើយពួកគេជាអ្នកគាទ្រក្រុមហ៊ុន ស៊ូជីងយ៉ាងពេញទំហឹង។លោកបន្តថាពួកគេជាអ្នកអុកឡុកនៅក្នុងការបោះឆ្នោតជ្រើសរើសសហគមន៍ដឹកភ្ញៀវកំពង់ភ្លុក និងបង្ករបួសស្នាមដល់ពលរដ្ឋចំ
នួន៧នាក់។ទាក់ទិនករណីនេះផងដែរ លោកហុក ពៅ ចៅក្រមសើុបសួរនៃសាលាដំបូងខេត្តនិងជាអ្នកចេញដេកា នេះលោកបានមានប្រសាសន៍ប្រាប់ថាជនដែលលោកព្រះរាជអាជ្ញា
ចោទនោះមាន២នាក់ដោយចាត់ឲ្យសមត្ថកិច្ចស្រាវជ្រាវេកមុខរក។លោកបន្តថា យើងកំពុងរង់ចាំខាងសមត្ថកិច្ចបញ្ជូនសំណុំរឿងមកសិនទើបបើកការសើុបអង្កេតបន្ថែមទៀត។ជាមួយគ្នានិងការនាំខ្លួនជនសង្ស័យទាំង២នាក់នោះដែរក៏ឃើញមានវត្តមានពលរដ្ឋប្រមាណ២០០នាក់មកតវ៉ាសុំដោះលែងតំណាងរបស់ពួកគាត់វិញ និងស្នើឲ្យអាជ្ញាធរខេត្តជួយសម្រួលដល់ការរកទទួលទានរបស់ពួកគាត់ផង។បច្ចុប្បន្ននេះអាជ្ញាធរខេត្តបានកោះហៅឲ្យក្រុមអ្នកតវ៉ានោះចំនួន៦នាក់ឲ្យចូលទៅបុរីរដ្ឋបាលដើម្បីរកដំណោះស្រាយសមរម្យណាមួយជូនពួកគាត់៕
