ខេត្តតាកែវ យុវជនម្នាក់បានស្លាប់បាត់បង់ជីវិតភ្លាមៗនៅនិងកន្លែងកើតហេតុ ដោយសារតែរថយន្តមិនស្គាល់ម៉ាកមួយគ្រឿងបើកបុកម៉ូតូពីក្រោយបណ្តាលឲ្យដូលបោកក្បាលស្លាប់ភ្លាមៗតែម្តង ។
ហេតុការណ៍គ្រោះថ្នាក់ចរាចរណ៍ នេះ កើតឡើងកាលពីវេលាម៉ោង ០៤ និង ០០នាទីទៀបភ្លឺ ថ្ងៃទី២០ ខែកក្កដា ឆ្នាំ២០១៥ នៅលើកំណាត់ផ្លូវជាតិលេខ២ ចន្លោះបង្គោលគីឡូម៉ែត្រលេខ ៤០-៤១ ស្ថិតក្នុងភូមិកណ្តឹងធំ ឃុំកណ្តឹង ស្រុកបាទី ខេត្តតាកែវ ។
មន្ត្រីនគរបាលចរាចរណ៍ស្រុកបាទី បានឲ្យដឹងថា អ្នកបើកបរម៉ូតូឈ្មោះ ញិល ចាន់ថេត ភេទប្រុស អាយុ ២២ឆ្នាំ មុខរបរនិស្សិត មានទីលំនៅភូមិតានប់ ឃុំចំបក់ ស្រុកបាទី ខេត្ត តាកែវ ជិះម៉ូតូម៉ាកហុងដា សេ១២៥ ស៊េរី២០១៤ ពណ៌ខ្មៅ ពាក់ស្លាកលេខភ្នំពេញ 1CQ-4077 បានស្លាប់បាត់បង់ជីវិតភ្លាមៗនៅនិងកន្លែងកើតហេតុ ។ ចំណែឯរថយន្តមិន ស្គាល់ម៉ាក ក្រោយពេលកើតហេតុបានបើករត់គេចខ្លួនបាត់ស្រម៉ោលតែម្តង ។ ប្រភពពីប្រជាពលរដ្ឋនៅជិតនោះបានបន្តថា មុនពេលកើតហេតុពួកគាត់បានឃើញ ម៉ូតូមួយគ្រឿងម៉ាកហុងដា សេ១២៥ ធ្វើដំណើរមកពីទិសខាងជើងទៅត្បូង លុះមកដល់កន្លែងកើតហេតុខាងលើ ក៏ត្រូវរថយន្តមួយគ្រឿងមិនស្គាល់ម៉ាកវ៉ាជែង បានប៉ះនិងម៉ូតូជនរងគ្រោះ ក៏ធ្វើឲ្យម៉ូតូដួល និង បោកក្បាលអ្នកជិះម៉ូតូ ស្លាប់នៅនិងកន្លែងតែម្តង ។ បច្ចុប្បន្នវត្ថុតាងម៉ូតូ ត្រូវបានសមត្ថកិច្ចចរាចរណ៍ស្រុកបាទី ធ្វើការវាស់វែង យកមករក្សាទុកអធិការដ្ឋាននគរបាលស្រុកបាទី ដើម្បីបំពេញបែបបទ តាមនីតិវិធី និងបន្តស្វែងរករថយន្តដែលបង្កហេតុមកដោះស្រាយ រីឯសាកសពជនរងគ្រោះបានប្រគល់ ជូនក្រុមគ្រួសារធ្វើបុណ្យតាមប្រពៃណី ៕