ខេត្តបន្ទាយមានជ័យ៖លោកឧត្តមសេនីយ៍អាត់ត្រីខែមស្នងការនគបាលខេត្តបន្ទាយមានជ័យបានឲ្យកំលាំងនគបាលនៅតាមព្រំដែននាំយកអំណោយជាថវិកានិងគ្រឿងឧបភោគបរិភោគទៅចែកជូនប្រជាពលរដ្ឋដែលមានជីវភាពជួបការលំបាកជិត១០គ្រួសារ នៅក្នុងមូលដ្ឋាន របស់ខ្លួន ដើម្បីចូលរួមចំណែកកាត់បន្ថយការលំបាករបស់ពួកគេនៅព្រឹកថ្ងៃទី២៤ខែកក្កដាឆ្នាំ២០១៥។លោកសៅភឿន លោកដៀប ពេជ្រ និង លោក ពែក ព្រួញមាស មេបញ្ជាការរង វរ៨០៧ បានដឹកនាំកម្លាំងប៉ុស្ដិ៍ប្រាសាទត្បែង ចុះជួយជនក្រីក្រចំនួន៦គ្រួសារ ចាស់ជរា រស់នៅក្នុងភូមិប្រាសាទត្បែង ឃុំបន្ទាយឆ្មារ ស្រុកថ្មពួក ខេត្តបន្ទាយមានជយ័មាន ។ប្រជាពលរដ្ឋទាំង៦គ្រួសារ ខាងលើនេះ រួមមាន ទី១ឈ្មោះ សោម នី ភេទស្រី អាយុ៤៨ឆ្នាំ ទី២ ឈ្មោះ កែវ សឿម ភេទប្រុស អាយុ៥៩ឆ្នាំ ទី៣ឈ្មោះ រ៉ាន់ និល ភេទស្រី អាយុ៧០ឆ្នាំ ទី៤ ឈ្មោះ ឈុន ទូច ភេទស្រី អាយុ៦៥ឆ្នាំ ទី៥ឈ្មោះ អឿន អ៊ន ភេទស្រី អាយុ៦២ឆ្នាំ រស់ នៅភូមិឃុំខាងលើ ។ដោយឡែក អំណោយដែលត្រូវចែកជូននោះ រួមមាន អង្កចំនួន២៥០kgទឹកស៊ីអ៊ីវចំនួន១០យួ ទឹកត្រីចំបួន១០យួ សារុងចំនួន១សារុង ប៊ីចេងចំនួន១កញ្ចប់១គីឡូក្រាម ខ្ទឹមសចំនួន១គីឡូក្រាម ថវិកាចំនួន២០ម៉ឺនរៀល។នគរបាលព្រំដែនវរ៨០៧ បានបន្តយកអំណោយទាំងនេះចែកជូនប្រជាពលរដ្ឋ ដែលក្រីក្រ ចំនួន២គ្រួសារ ស្ថិតនៅភូមិដងរែក ឃុំបន្ទាយឆ្មារ ស្រុកថ្មពួក ខេត្តបន្ទាយមានជយ័មាន រួមមាន ទី១ឈ្មោះ រូន រឿម ភេទស្រី អាយុ៧៥ឆ្នាំ និងឈ្មោះ យូ យឹម ភេទស្រី អាយុ៧៣ឆ្នាំ រស់នៅ ភូមិឃុំខាងលើ ។អំណោយរួមមាន អង្កចំនួន៥០kgទឹកស៊ីអ៊ិវចំនួន២យួ ទឹកត្រីចំនួន២យួ ទឹកសុទ្ធចំនួន២យួ និងថវិកា ចំនួន៨ម៉ីនរៀល។ជាមួយគ្នានេះកាលពីព្រឹកថ្ងៃទី២៤ ខែកក្កដា ឆ្នាំ២០១៥ លោក ជុំ វណ្ណះ មេបញ្ជាការរង វរ៨១៥ បានសហការជាមួយ ប៉ុស្តិ៍ក្បាលទំនប់ ចុះជួយចែកអំណោយ ប្រជាពលរដ្ឋ ចំនួន១គ្រួសារ ឈ្មោះ ប៉សុខខនអាយុ៣៤ឆ្នាំ ខ្វិនពីកំណើតមានកូនស្រីម្នាក់ អាយុ១ខួបកន្លះសព្វថ្ងៃរស់នៅ ជាមួយឪពុកម្តាយ ស្ថិតនៅភូមិក្បាលទំនប់ ឃុំអូរសំព័រ ស្រុកម៉ាឡៃ មានអង្ករ៥០គីឡូក្រាម ទឹកត្រីយួ ទឹកស៊ីអ៊ីវ១យួ និងថវិកា១០មឺុន។នៅក្នុងឱកាសនោះ នគរបាលវរទាំង២ បានផ្តាំផ្ញើការសួរសុខទុក្ខពីសំណាក់ស្នងការ នគរបាលខេត្តដែលតែងតែយកចិត្តទុកដាក់និងគិតគូចំពោះស្ថានភាពរស់នៅរបស់ប្រជាពលរដ្ឋដូច្នេះហើយលោកបានធ្វើការណែនាំដល់មន្ត្រីនគរបាលក្រោមឱវាទត្រូវបន្តការងារមនុស្សធម៌ដោយផ្តល់អំណោយជូនប្រជាពលរដ្ឋទាំងឡាយ ដែលមានជីវភាពខ្វះខាតខ្លាំងបន្ត៕