ខេត្តកំពង់ឆ្នាំង៖ប្រភពព័ត៌មានមួយគួរអោយជឿបានចេញពីមន្ត្រីតុលាការខេត្តកំពង់ឆ្នាំង
នៅព្រឹកថ្ងៃទី២៥ ខែកក្កដា ឆ្នាំ២០១៥ បានអោយដឹងថា៖លោកព្រះរាជអាជ្ញារង២នាក់ និង
នឹងត្រូវធ្វើការផ្លាស់ប្តូរចេញទៅខេត្តផ្សេង ហើយព្រះរាជអាជ្ញារង៣នាក់ទៀតនឹងត្រូវចូល
មកធ្វើការក្នុងតុលាការខេត្តកំពង់ឆ្នាំងវិញ។ប្រភពដដែលបានបញ្ជាក់អោយដឹងថា៖ លោកព្រះរាជអាជ្ញារងដែលត្រូវផ្លាស់ចេញទៅកាន់ខេត្តផ្សេងនោះគឺ៖ ១.លោក ឯក ស៊ុនរស្មី ផ្លាស់ទៅកាន់ខេត្តកណ្តាល ២.លោកអេង ម៉េងស្រុន ផ្លាស់ទៅខេត្តព្រះវិហារ ហើយព្រះរាជអាជ្ញារង២នាក់ និងព្រះរាជអាជ្ញារងស្តិតក្នុងកម្មសិក្សាម្នាក់ទៀត នឹងមកធ្វើការនៅក្នុងតុលាការខេត្តកំពង់ឆ្នាំងវិញ។
ការផ្លាស់ប្តូរផ្លាស់ប្តូរភារកិច្ចរបស់ព្រះរាជអាជ្ញារងទាំង២នាក់នៅក្នុងតុលាការខេត្តកំ
ពង់ឆ្នាំង គឺមិនមែនជាការផ្លាស់ប្តូរដោយមានកំហុសនោះទេ គឺដល់អាណត្តិដែលត្រូវផ្លាស់ប្តូរ ដែលក្នុងរយះពេល៥ឆ្នាំត្រូវធ្វើការផ្លាស់ប្តូរម្តង។គំរោងផ្លាស់ប្តូរខាងលើនេះ គឺមានសេចក្តីសម្រេចអស់ហើយ នៅតែថ្ងៃថ្នាក់លើធ្វើការប្រកាសតែប៉ុណ្ណោះ។
គួរបញ្ជាក់ថា លោកព្រះរាជអាជ្ញា លោកព្រះរាជអាជ្ញារង លោកចៅក្រមភាគច្រើន
នៅក្នុងតុលាការខេត្តកំពង់ឆ្នាំង សុទ្ធតែមានលំនៅដ្ឋានតាមខេត្តក្រុងនានា ក្រៅខេត្តកំព
ង់ឆ្នាំង ហើយរៀងរាល់ល្ងាចថ្ងៃសុក្រ ពួកគាត់បានធ្វើដំណើរទៅផ្ទះរៀងៗខ្លួន ហើយនៅព្រឹកថ្ងៃច័ន្ទគឺពួកគាត់ត្រូវត្រឡប់មកពីផ្ទះធ្វើការវិញ។ដោយឡែកអ្នកត្រូវនៅប្រចាំការថ្ងៃសៅរ៍ អាទិត្យគឺត្រូវនៅប្រចាំការ មិនទៅផ្ទះទេផុតវេនប្រចាំការអាទិត្យក្រោយទើបបានទៅផ្ទះ ដូច្នេះការទៅមកៗធ្វើការអ្នកដែលមានផ្ទះក្រៅខេត្តពិតជាជួបការលំបាក់ណាស់៕
