កំពង់ធំ=បុរសម្នាក់ឈ្មោះចន ចេន ភេទប្រុស អាយុ៣៣ឆ្នាំ រស់នៅភូមិតាព្រិច ឃុំសាគ្រៀម ស្រុកប្រាសាទបាល័ង្គខេត្តកំពង់ធំ បានស៊ីឈ្នួលបើកបរគោយន្ដដឹកខ្សាច់អោយលោក ជាវិសាល ជាអ្នកបូមខ្សាច់នៅស្ទឹងគោល បានបើកបរមិនគោរពច្បាប់ចរាចរណ៍ មានការធ្វេសប្រហែស ធ្វើអោយកើតគ្រោះថ្នាក់ចរាចរណ៍នៅលើកំណាត់ផ្លូវជាតិលេខ០៦ នៅត្រង់ចំនុច ទល់មុខ ការាសសាំងសូគីម៉ិច ក្នុងភូមិកំពង់ក្ដី ឃុំកំពង់ចិនត្បូង ស្រុកស្ទោង ខេត្តកំពង់ធំ។
ក្នុងហេតុការណ៍គ្រោះថ្នាក់ចរាចរណ៍នេះត្រូវបានមហាជនរឹះគន់យ៉ាងខ្លាំងចំពោះលោក ជាវិសាល ដែលជាអ្នកល្បីឈ្មោះខាងដឹកខ្សាច់ជាច្រើនឆ្នាំមកហើយ ក្នុងនោះត្រូវបានគេសង្កេតឃើញការដឹកជញ្ចូនដឹកដីខ្សាចពុំមានការគ្របអោយបានជិតនោះទេធ្វើអោយខ្សាច់ហុយឬធ្លាក់តាមផ្លូវថ្នល់បង្កអោយខូចបរិស្ថានប៉ះពាលដល់អ្នកធ្វើដំណើរ រួមទាំងអ្នកលក់ដូរនៅតាមដងផ្លូវនេះយ៉ាងខ្លាំង ទទឹមនិងនោះដែលក៏មានអ្នករឹះគន់ថា លោកជាវិសាល រូបនេះមានចរឹកក្រអើតក្រទងយ៉ាងខ្លាំងនិយាយស្ដីអ្វីដូចលើលោកនេះមានតែឯង ។
ប្រភពព័ត៌មានពីកន្លែងកើតហេតុបានឲ្យដឹងថាមុនពេលកើតហេតុគេឃើញរថយន្ដស្រាបៀរអង្គរចតនៅ ចិញ្ចើមថ្នល់ខាងស្ដាំ លុះក្រោយមកមានរថយន្ដក្រុងមកដល់ក៏ចត់ដាក់ម៉ូយនៅលើចិញ្ចើមថ្នល់ខាងធ្វេងទទឹងគ្នា សល់តែប្រឡោះកណ្ដាល បន្ទាប់មករថយន្ដហៃឡិឌ័រមកដល់ចំនុចកណ្ដាលនោះ ស្រាប់តែគោយន្ដបុកស័ររបស់លោក ជាវិសាល បើកសំរុកដោយមិនចេះយោគយល់បញ្ចាស់ទិសគ្នាពីជើងទៅត្បូង ហើយក៏បុករថយន្ដហៃឡិឌ័រ ធ្វើអោយ
ខូចខាតផ្នែកខាងឈ្វេង យ៉ាងដំណំ ដោយសារចាប់ហ្វាំងមិនស៊ី តែសំណាងល្អគ្មានអ្នក ស្លាប់ ឬអ្នករបួសទេ ចំណែករថយន្ដហៃឡិឌ័រពណ៍ទឹកប្រាក់ពាក់ផ្លាកលេខ ភ្នំពេញ 2X 6389 បើកបរដោយ បុរសឈ្មោះសែម ស៊ីរ៉ា អាយុ៥២ឆ្នាំរស់នៅភូមិស្រែប្រាំងតាប្រុក ឃុំស្រែប្រាំង ស្រុកចំការលើខេត្តកំពង់ចាម និងអ្នករួមដំណើរសរុបចំនួន៥នា់ក់បើកចេញពីខេត្តសៀមរាបឆ្ពោះទៅខេត្តកំពង់ចាម ចំណែក គោយន្ដបុកស័រគ្មានផ្លាកលេខទេ គឺគោយន្ដអ្នកស្រុកស្ទោងខេត្តកំពង់ធំ។
ទទឹមនិងនោះដែរមហាជនបានរឹះគន់នគរបាលចរាចរណ៍ពុំព្រមរៀបសណ្ដាប់ធ្នាប់ចរាចរណ៍នៅត្រង់ចំនុច ការាសាំង សូគីម៉ិចនេះទាល់តែសោះធ្វើទុកអោយ កក់ស្ទះចរាចរណ៍រាងរាល់ថ្ងៃ និងគ្រោះថ្នាក់ចរាចរណ៍ ជាញឹកញយ ។បន្ទាប់ពីកើតហេតុសមត្ថកិច្ចបានចុះមកធ្វើការវាស់វែងរួចបញ្ចូនរថយន្ដ និងគោយន្ដ ទៅរក្សាទុកនៅស្នងការដ្ឋាននគរបាលស្រុកស្ទោង ដើម្បីដោះស្រាយគ្នា ទៅតាមច្បាប់៕ដោយ ផន សុខជាតិ
