ខេត្តបន្ទាយមានជ័យ៖យោងតាមពាក្យបណ្ដឹងចុះថ្ងៃទី២៥ខែកក្កដា ឆ្នាំ ២០១៥របស់ជនរងគ្រោះឈ្មោះ កុកអៀងលី ហៅអៀងភេទប្រុសអាយុ៤៣ឆ្នាំ រស់នៅភូមិបាលិលេយ្យ2 សង្កាត់និងក្រុង ប៉ោយប៉ែត ខេត្តបន្ទាយមានជ័យ បានប្ដឹងទៅលើជនសង្ស័យចំនួន២នាក់ក្នុងករណីលួចគាស់ផ្ទះចូលលួចទ្រព្យសម្បត្តិរបស់ខ្លួនកាលពីថ្ងៃទី២១កក្កដា២០១៥វេម៉ោង១១នៅចំណុចក្នុងផ្ទះស្ថិតនៅភូមិ បាលិលេយ្យ សង្កាត់និងក្រុងប៉ោយប៉ែតខេត្តបន្ទាយមានជ័យ។លោកឧត្តមសេនីយ៍ ត្រី ឨបូរិន្ទមេបញ្ជាការកងរាជអាវុធហត្ថខេត្តបន្ទាយមានជ័យបានឲ្យដឹងថាចោរគាស់ផ្ទះនោះមាន១ឈ្មោះ ឡាយ សុគាភេទ ប្រុស អាយុ២២ឆ្នាំរស់នៅភូមិបាលិលេយ្យ សង្កាត់និងក្រុងប៉ោយប៉ែត ខេត្តបន្ទាយមានជ័យ២ឈ្មោះសូត្រ សុខុម ហៅ ម៉ាប់ ភេទ ប្រុស អាយុ៣៥ឆ្នាំរស់នៅភូមិ បាលិលេយ្យ២សង្កាត់និងក្រុងប៉ោយប៉ែត ខេត្តបន្ទាយមានជ័យ។លោករិន្ទបានបន្តថាបើតាមការរៀបរាប់របស់ជនរងគ្រោះថានៅថ្ងៃទី២១នោះមានចោរលួចគាស់ទំលុះទំលាយបង្អួចផ្ទះផ្នែកខាងក្រោយចូលយកទ្រព្យសម្បត្តិក្នុងផ្ទះមានដូចជាឧប្បករណ៍បំពងសំលេងដូចជាធុងបាស់ ចំនួន២គ្រាប់ អំភ្លីចំនួន២គ្រឿងនិងម៉ាស៊ីនត្រជាក់ចំនួន១គ្រឿងនៅពេលដែលជនរង្គ្រោះមិនបាននៅផ្ទះរវល់ទៅរកស៊ីស្នាក់នៅបណ្ដោះអាសន្នក្នុងផ្សាររោងគ្លឿប្រទេសថៃ។ តាមសាក្សីឈ្មោះ សុខ ម៉ារ៉េតហៅតាវែងបានបំភ្លឺថាចៅស្រី
របស់គាត់ប្រាប់គាត់ថាឃើញឈ្មោះគាបានលីធុងបាស់នៅម្ដុំផ្ទះរបស់គាត់ពីថ្ងៃមុនតែមិនដឹងថាធុងបាស់នេះជាធុងបាស់របស់អ្នកណាទេ។ ក្រោយពីទទួលពាក្យបណ្ដឹងទើបសមត្ថកិច្ចអាវុធហត្ថចំនួន៤នាក់ដឹកនាំដោយលោកអនុសេនីយ៍ឯក ជា ដា មេបញ្ជាការមូលដ្ឋានអវុធហត្ថក្រុងប៉ោយប៉ែតបានចុះធ្វើការស្រាវជ្រាវរហូតឈានដល់ធ្វើការឃាត់ខ្លួនជនសង្ស័យបានជាបន្តបន្ទាប់បានចំនួន២នាក់ដូចមានឈ្មោះខាងលើនៅចំណុច ឡធ្យូង ស្ថិតក្នុងភូមិ បាលិលេយ្យ២សង្កាត់និងក្រុងប៉ោយប៉ែត។ជនសង្ស័យឈ្មោះឡាយសុគាបានឆ្លើយសារភាពថាខ្លួនគេពិតជាបានប្រព្រឹត្តិអំពើលួចខាងលើនេះពិតប្រាកដមែនដោយរូបគេនិងមិត្តភក្ដិគេម្នាក់ទៀតឈ្មោះណាក់ហៅរក្ស ភេទ ប្រុសបាននាំគ្នាលួចគាស់ទំលុះទំលាយបង្អួចផ្ទះរបស់គេផ្នែកខាងក្រោយដោយប្រើញញួរដងដែករួចចូលលួចយកទ្រព្យទាំងអស់នេះមែន។ចំនែកឈ្មោះសូត្រសុខុមហៅម៉ាប់ជាអ្នកទទួលទិញទ្រព្យដែលឈ្មោះឡាយសុគាលួចបាន។អាវុធហ្ថ ខេត្តកំពុងកសាងសំណុំរឿងជនសង្ស័យទាំងចោរលួចនិងអ្នកទទួលទិញបញ្ជូនទៅតុលាការចាត់ការតាមនិតិវិធី។ចំណែកវត្ថុតាងត្រូវបានសមត្ថកិច្ចប្រគាល់ឲ្យម្ចាស់វិញហើយ។ជនសង្ស័យឈ្មោះណាក់ហៅរក្សសមត្ថកិច្ចកំពុងស្រាវជ្រាវចាប់ខ្លួនបន្តទៀត៕
