ខេត្តព្រះសីហនុ=ជនសង្ស័យចំនួន២នាក់ដែលជាមុខ សញ្ញាប្រើប្រាស់និងជួញដូរគ្រឿងញៀនយ៉ាងសកម្មត្រូវបានសមត្ថកិច្ចប៉ូលិសឆ្មក់ចុះបង្ក្រាបចាប់ឃាត់ខ្លួនកាលពីរសៀលថ្ងៃទី៦សីហានៅចំនុចក្រុមទី១៣ភូមិ៣សង្កាត់លេខ១ក្រុង-ខេត្តព្រះសីហនុ។ក្នុងប្រតិបត្តិការឆ្មក់ចុះបោសសម្អាតគ្រឿងញៀននេះដឹកនាំដោយលោកវរសេនីយ៌ឯក សាន់ប៊ុនថន ស្នងការរងទទួលបន្ទុកប្រធានការិយាល័យកណ្តាលប្រឆាំងបទល្មើសនៃស្នងការដ្ឋានខេត្តព្រះសីហនុ។លោកវរសេនីយ៌ឯកបានឲ្យដឹងថាជនសង្ស័យទាំង២នាក់ដែលសមត្ថកិច្ចចាប់ឃាត់ខ្កួនមានទី
១/ឈ្មោះហឹម ឥសាន ភេទប្រុសអាយុ៣០ឆ្នាំមានមុខរបរមិនពិតប្រាកដនិងស្នាក់នៅក្រុម១៩ភូមិ២ក្នុងសង្កាត់លេខ២ក្រុង-ខេត្តព្រះសីហនុ។ទី២/ឈ្មោះឡេងគន្ធីសុបញ្ញាភេទប្រុសអាយុ២៤ឆ្នាំជាសិស្សថ្នាក់ទី១២មានទីលំនៅភូមិផ្សារកំបូលសង្កាត់កំបូលខណ្ឌពោធិ៍សែនជ័យរាជធានីភ្នំពេញ។លោកវរសេនីយ៌ត្រី តាកសារិទ្ធ នាយការិយាល័យប្រឆាំងការជួញដូរគ្រឿងញៀនបានឲ្យដឹងថាវត្ថុតាងបទល្មើសដែលសមត្ថកិច្ចឆែករកឃើញនៅជាប់ខ្លួនជនសង្ស័យទាំង២នាក់នេះមានថ្នាំញៀនប្រភេទមេតំហ្វេតាមីនចំនួន១១កញ្ចប់តូចនិង២កញ្ចប់ធំ
សរុបមានទម្ងន់៥.១ក្រាម,ទូរស័ព្ទដៃ២គ្រឿង,កាបូប២,ប្រាក់១០០០០រៀលនិង២ដុល្លារ។លោកនាយការិយាល័យបានឲ្យដឹងទៀតថានៅព្រឹកថ្ងៃទី៧សីហានេះជនសង្ស័យរួមនិងវត្ថុតាងត្រូវបានសមត្ថកិច្ចជុំនាញចងក្រងឯកសារនិងកសាងសំណុំរឿងបញ្ចូនទៅសាលាដំបូងខេត្តព្រះសីហនុដើម្បីផ្តន្ទាទោសទៅតាមផ្លូវច្បាប់៕
