កំពង់ធំ. ពីធីផ្សព្វផ្សាយស្តីពីការក្លែងបន្លំឯកសារ របស់លោក ហុង សុខហួរ សមាជិកព្រឹទ្ធសភា ព្យាយាមបន្លៃពីបញ្ហាការចុះហត្ថលេខាលើសន្ធិសញ្ញាដែលបានកំណត់ព្រំដែនរវាងប្រទេសទាំង២ លើខ្សែបន្ទាត់ព្រំដែននាបច្ចុប្បន្ន ដល់នាយទាហាននាយរងនិងពលទាហាន ចំណុះឲ្យតំបន់ប្រតិបត្តិការសឹករងកំពង់ធំ ដោយមានការចូលរួម ៩៥នាក់ នៅព្រឹកថ្ងៃទី២០ខែសីហាឆ្នាំ២០១៥។
ប្រជាពលរដ្ឋ ក៏ដូចជាកងកម្លាំងនិងមន្ត្រីរាជការជាច្រើន មានប្រតិកម្មយ៉ាងខ្លាំងចំពោះការបំភ្លៃឯកសាររបស់លោក ហុង សុខហួរ សមាជិកព្រឹទ្ធសភា ដែលខិតខំព្យាយាម ម្តងហើយម្តងទៀត រួមទាំងការបង្ហោះក្នុងព្រព័ន្ឋផ្សព្វផ្សាយសង្គមហ្វេសបុក នូវឃ្លីបវីដេអូឈ្មោះ សម រង្សី ដែលមានរយះពេល១១នាទី ដែលបានបកស្រាយខុសពីការពិត របស់សម្តេច ហេង សំរិន ដែលជាប្រមុខរដ្ឋ បានចុះហត្ថលេខា ជាមួយប្រមុខរដ្ឋវៀតណាម នៅថ្ងៃទី២៨ ខែ កុម្ភះ ឆ្នាំ ១៩៧៩ ដែលមានខ្លឹមសារខុសពីការពិត ត្រង់ចំនុចថា ភាគីទាំងពីរនិងធ្វើកិច្ចចរចារ ចុះហត្ថលេខានិងរំលាយព្រំដែនជាតិ ប្រទេសទាំងពីរ ដោយអាស្រ័យលើព្រំដែនបច្ចុប្បន្ន ហើយភាគីទាំងពីរសំរេចចិត្តយ៉ាងមុតមាំ ដើម្បីកែប្រែព្រំដែននេះ ដែលជាការផ្ទុយពីមាត្រា៤ នៃសន្ធិសញ្ញា សន្តិភាព មិត្តភាព និងសហប្រតិបត្តិការរវាងសារធារណៈរដ្ឋប្រជាមានិតកម្ពុជា និងសារធារណ់ៈរដ្ឋសង្គមនិយម វៀតណាម បានចែងថា ភាគីទាំងពីរសន្យាថានិងដោះស្រាយរាល់ការទំនាស់ អាចកើតឡើងក្នុងការទំនាក់ទំនងគ្នា តាមរយះការចរចារដោយសន្តិវិធី ភាគីទាំងពីរនិងចរចារគ្នា ដើម្បីចុះហត្ថលេខា លើសន្ធិសញ្ញាមួយ កំណត់នូវព្រុំដែនរដ្ឋរវាងប្រទេសទាំងពីរ លើមូលដ្ឋានខ្សែព្រុំដែននាបច្ចុប្បន្ននេះ ហើយប្តេជ្ញាចិត្តកសាងខ្សែ ព្រុំដែន ជាខ្សែព្រុំដែនសន្តិភាព យូអង្វែង ។https://youtu.be/d9PtYaLS8eA
ឯកឧត្តម សោម ស៊ុន មេបញ្ជាការតំបន់ប្រតិបត្តិការសឹករងកំពង់ធំ បានមានប្រសាសន៍ថា សម្រាប់ការផ្សព្វផ្សាសេចក្តីណែនាំ លើករណីរបស់សមាជិកព្រឹទ្ធសភានេះ បានចាត់ធ្វើឡើងចំនួន២លើមកហើយ សរុបចំនួន ជាង២០០នាក់ ដល់យោធិន បន្ទាប់ពីសមាជិក ព្រឹទ្ធសភា បានក្លែងបន្លំឯកសារ ដែលន័យខ្លឹមសារ ខុសពីការពិត ក៏ត្រូវបានរាជរដ្ឋាភិបាល នៃព្រះរាជណា ចក្រកម្ពុជា មានចំណាត់ការ បើកការស៊ើបអង្កេត លើក្រមខណ្ទបទល្មើសជាក់ស្តែង និងត្រូវបានចាប់ខ្លួន នៅថ្ងៃទី ១៥ ខែសីហា ឆ្នាំ ២០១៥ ក្នុងនោះដែរឯកឧត្តម បានផ្តាំផ្ញើរឲ្យកងកម្លាំងចំណុះឲ្យតំបន់សឹករងកំពង់ធំ ទាំងអស់ មានស្មារតីទទួលខុសត្រូវ គោរពនូវបទបញ្ជារ រក្សាវិន័យនិងសេចក្តីថ្លៃថ្នូររបស់អង្គភាព ត្រូវមាន ជំនឿយ៉ាងមុតមាំលើរាជរដ្ឋាភិបាល ដែលកើតឡើងដោយការបោះឆ្នោត និងសុំអោយមានការប្រុងប្រយ័ត្ន ក្នុងការលេង សែរ ខមមិន តាមបណ្តាលប្រព័ន្ឋផ្សព្វផ្សាសង្គមហ្វេសបុក ត្រូវមានការពិចារណាខ្ពស់ មុននឹង បង្ហោះនូវន័យខ្លឹមសារអ្វីមួយ ដើម្បីចៀសវាងប៉ះពាល់រដ្ឋកេត្តិយស់ថ្នាក់ដឹកនាំ និងកេត្តិយស់ជាតិ ។
ដោយ ប៊ុន រដ្ឋា
