កំពង់ធំ. មានការភ្ញាក់ផ្អើលទាំងកណ្តាលអាធ្រាត ដោយសារតែមានអគ្គីយបានលេបត្របាក់ ផ្ទះល្វែង ក្នុងចំនួន៣ខ្នង ក្នុងផ្សាកំពង់ថ្ម កាលពីវេលាម៉ោង ៣,៥នាទី ថ្ងៃទី ២ខែ កញ្ញា ឆ្នាំ ២០១៥ ស្ថិតត្រស់ ឃុំបាល្ល័ង ស្រុកបារាយណ៍ ខេត្តកំពង់ធំ។
យោងតាមប្រភពសាក្សីដែលបានឃើញហេតុការណ៍ បានឲ្យដឹងថា មុនពេលកើតហេតុបណ្តាល ឲ្យមានអគ្គីភ័យឆាបឆេះផ្ទះល្វែងលក់ទំនិញរបស់ក្រុមអជីវករផ្សាកំពង់ថ្ម ដែលបានសង់នៅក្នុងបរិវេណបេឡានផ្សារកំពង់ថ្ម ធ្វើអំពីឈើ ប្រកស័ង្កសី ទំហំ៤ម បណ្តោយ ១៥ម ជាដំបូងគេឃើញ មានអណ្តាតភ្លើងឆេះតិចតួចចេញពីក្នុងផ្ទះ អ្នកដែលបានឃើញហេតុការ បាននាំគ្នារត់ទៅគោះទ្វារម្ចាស់ដេលបានដេកចាំក្នុងនោះ តែពុំមានអ្នកណាងើបឡើយ លុះក្រោយមកទើបដឹងថា នៅក្នុងផ្ទះល្វែងចំនួន២ខ្នងបានចាក់សោរជាប់គ្មានមនុស្សនៅ ដោយសារអ្នកចាំស្តង់ទៅដេកផ្ទះមិត្តភ័ក្កបាត់ បណ្តាលឲ្យ ភ្លើងឆេះរាលដាល់រហូតដល់ទៅ៣ល្វែងជាប់គ្នា ឆេះអស់រលីងគ្មានសល់ សំណាងល្អផ្ទះល្វែងទាំង ៣នេះនៅចន្លោះ ផ្ទះថ្មនៅជុំវិញ ទើបមិនបណ្តាលឲ្យឆេះរាលដាលទៅឆេះផ្ទះអ្នកដ៏ទៃ ។
តាមការសណ្ឋានរបស់សមត្ថកិច្ចបានឲ្យដឹងថា ការបង្ករឲ្យមានការឆេះនេះគឺបណ្តាលមកពីឆ្លងចរន្តអគ្គិសនី ដោយសារតែនៅក្នុងស្តង់គ្មានមនុស្សនៅ ចំណែកម្ចាស់ផ្ទះល្វែងត្រូវបានស្គាល់ឈ្មោះ ទី១ឈ្មោះ. ខៀវ វឿន ភេទ ប្រុសអាយុ៦៧ឆ្នាំ ទិ២ ឈ្មោះ ហួនរឿន អាយុ ៣៤ឆ្នាំ ទី៣ ឈ្មោះ ឃ្លាំងឃឿន សុទ្ធតែអាជិវករលក់ អីវ៉ាន់ចាបហួយ ២ល្វែង និងផ្ទះលក់គ្រឿងសំណង់មួយគ្រឿង ក្នុងផ្សារកំពង់ថ្ម ។
ក្រោយពីកើតហេតុគេសង្កេតឃើញ ឯកឧត្តម អ៊ុត សំអន អភិបាលខេត្តកំពង់ធំ និងលោក ហាក់ ហួតអភិបាលស្រុកបារាយណ៍ ចុះត្រួតពិនិត្យស្ថានភាពភ្លើងឆេះ ផ្ទះល្វែងក្នុងផ្សារកំពង់ថ្ម និងបានអគុណ ចំពោះកងកម្លាំងសមត្ថកិច្ច រួមទាំងប្រជាពលរដ្ឋ ដែលបានខិតខំជួយអន្តរាគមន៍ ពន្លត់ និងទប់ស្កាត់អគ្គីភ័យមិនឲ្យឆេះរាលដាលដល់លំនៅដ្ឋានរបស់ ប្រជាបលរដ្ឋបន្ថែមទៀត។សូមបញ្ជាក់ផងដែរថា ផ្សារកំពង់ថ្ម ត្រូវបានភ្លើងឆេះចំនួន២ដងមកហើយ ក្នុងឆ្នាំ២០១៤ និងឆ្នាំ២០១៥កន្លងមកនេះ។ដោយផន សុខជាតិ