ខេត្តតាកែវ៖ មានករណីហិង្សាជាមួយប្រព័ន្ធរួចកាប់បងថ្លៃប្រុសខ្លួនឯងស្លាប់ម្នាក់កាលពីថ្ងៃទី០១ ខែមករា ឆ្នាំ២០១៦ វេលាម៉ោង ០២និង០០នាទីរំលងអាធ្រាតនៅចំណុចផ្ទះជនរងគ្រោះ ស្ថិតក្នុងភូមិពន្សាំង ឃុំចំប៉ា ស្រុកព្រៃកប្បាស ខេត្តតាកែវ។ អំពើហឹង្សាក្លាយជាឃាតកម្មដែលកើតឡើងនេះ បង្កឡើងដោយជនសង្ស័យឈ្មោះ កឹម ហ៊ន ភេទប្រុស អាយុ ៤១ឆ្នាំ រស់នៅភូមិ-ឃុំកើតហេតុខាងលើ បានធ្វើសកម្មភាពដោយយកពូថៅកាប់ទៅលើជនរងគ្រោះឈ្មោះ ប៉ាន់ ជិន ភេទប្រុស អាយុ ៧៧ឆ្នាំ ត្រូវជាបងថ្លៃ រស់នៅភូមិ-ឃុំជាមួយគ្នា បណ្តាលឲ្យស្លាប់នៅនឹងកន្លែងកើតហេតុ ។ មូលហេតុដែលបង្កឡើងនេះ គឺបណ្តាយមកពីជនសង្ស័យផឹកស្រាស្រវឹងថ្ងៃឆ្លងឆ្នាំចាស់ជាមួយមិត្តភក្តិ និងបង្កជម្លោះជាមួយប្រពន្ធ ។
ក្រោយពេលកើតហេតុ កម្លាំងនគរបាល នៃអធិការដ្ឋាននគរបាលស្រុកព្រៃកប្បាស បានចុះអន្តរាគមន៍ និងឃាត់ខ្លួនជនសង្ស័យខាងលើ ដើម្បីសាកសួរ និងកសាងសំណុំរឿងបញ្ជូន ទៅសាលាដំបូងខេត្តចាត់ការបន្តតាមផ្លូវច្បាប់៕