សៀមរាប៖ យុវជនបីនាក់ស្លាប់យ៉ាងអាណោចអាធ័ម ខណៈពួកគេបានបើកម៉ូតូឌុបគ្នាចេញមកពីរក្នុងចំការវិញត្រូវបានជនសង្ស័យ១នាក់ស្ទាក់ម៉ូតូហើយ បានកាប់យុទ្ធជនទាំងបីនាក់ ខណៈពេលដែលនៅលើម៉ូតូ ដោយពុំដឹងមូលហេតុ ខណៈនោះជនរងគ្រោះទាំងបីនាក់ អង្គុយលើម៉ូតូបានស្លាប់ភ្លាមៗ២នាក់ ហើយម្នាក់ ទៀតបានស្លាប់នៅមណ្ឌលសុខភាព ។
ករណីពីបទមនុស្សឃាតបានគិតទុកជាមុនប្រដាប់ដោយកាំបិតក្វែវ១ធ្វើសកម្មភាពកាប់សម្លាប់យុវជន៣នាក់ស្លាប់យ៉ាងអាណោចអាធ័ម ហេតុការនេះបានកើតឡើងកាល ពីវេលាម៉ោង ១២និង០០នាទីថ្ងៃត្រង់ នាថ្ងៃទី០២ ខែមករា ឆ្នាំ២០១៦ ស្ថិតនៅត្រង់ចំណុចខ្នងភ្នំពើងតានាន់ ខាងកើតសាលាឃុំគោកដូងចម្ងាយប្រមាណ ១១គីឡូម៉ែត្រ។ ជំហ៊ានដំបូង សមត្ថកិច្ចសណ្ឋានថា ជាករណីប្លន់យកម៉ូតូ ម៉ាក សេ 125ពណ៌ខ្មៅ សេរី ២០១១ ស្លាកលេខ ប៉ៃលិន 1A 6878 លេខម៉ាស៊ីន ND លេខតួ 125ME8618 ជនសង្ស័យប្រដាប់ដោយកាំបិតក្វែវ កាប់ជនរងគ្រោះបណ្តាលអោយស្លាប់ចំនួន 3នាក់ 1-ឈ្មោះ មាត យ៉ា ភេទប្រុស អាយុ ១៣ឆ្នាំ ភូមិគោកត្របែក ឃុំគោកដូង ស្លាប់នៅកន្លែងកើតហេតុ ២ឈ្មោះ ម៉ិច ក្អាត់ ភេទប្រុស អាយុ ១៦ឆ្នាំ ភូមិគោកត្របែក ឃុំគោកដូង 3-ឈ្មោះ អ៊ាំង សូយ ភេទប្រុស អាយុ៨ឆ្នាំ ភូមិគោកដូង ឃុំគោកដូង ស្លាប់នៅមណ្ឌលសុខភាពគោដូង ។
ក្រោយពីកើតហេតុ សមត្ថកិច្ចបានដុតដៃដុតជើង វែកមុខឃាតករភ្លាមៗ និងឈានដល់ឃាត់ខ្លួន ជនសង្ស័យឈ្មោះ ឈន់ ឆេន ១៧ ភូមិគោកកដូងថ្មី ឃុំគោកដូង ស្រុកអង្គរជុំ ខេត្តសៀមរាប ខណៈពេលដែល កំពុងតែរត់គេចខ្លួន តែទោះជាយ៉ាងណា ក៏មិនអាចគេចផុតពីសំណាញ់ច្បាប់ឡើយ ក្រោយពីបានសាកសួរ ជនសង្ស័យឈ្មោះ ឈន់ ឆេន បានឆ្លើយសារភាពថា ករណីដែលបណ្តាលឲ្យឈានដល់ការកាប់សម្លាប់គ្នានេះគឺបណ្តាលមកពី នារីម្នាក់ជាសង្សារបស់ខ្លួន ក្រោយពីខ្លួនបានចាកចេញ ពីស្រុកទៅធ្វើការនៅប្រទេសថៃ លុះដល់ត្រឡប់មកវិញ នារីដែលជាអតីតសង្សារបស់ខ្លួន បែកចិត្តទៅស្រឡាញ់ប្រុសផ្សេង ដែលរស់នៅភូមិ ជិតគ្នា ទើបខឹងសម្បានឹងយុទ្ធជនដែលជាសង្សាថ្មី បានលួចស្រឡាញ់សង្សារបស់ខ្លួន ហើយក៏បានរៀបចំ ផែនការសម្លាប់ខណៈពេលចេញពីចំការ ចំណែកជនរងគ្រោះ២នាក់ដែលធ្វើដំណើរមកជាមួយ ខ្លួនបានកាប់ សម្លាប់បន្ថែមព្រោះខ្លាចបែកការ ។ ឥឡូវនេះជនសង្ស័យមាន១នាក់បច្ចុប្បន្នសមត្ថកិច្ចធ្វើការចាប់ខ្លួនបានហើយត្រូវទៅកាន់ស្នងការរដ្ឋាននគរបាលខេត្តសៀមរាប ដើម្បីរៀបចំសុំណុំរឿងបញ្ជូនទៅតុលាការរងចាំការកាត់ទោសទៅតាមនិតិវិធីនៃច្បាប់ ចំណែកសាកសពប្រគល់ឲ្យបងប្អូនធ្វើបុណ្យតាមប្រពៃណី៕
សូមបញ្ជាក់ផងដែរថា នៅក្នុងហេតុការមនុស្សឃាត ដ៏សាហាវព្រៃផ្សៃនេះ បែរជាសមត្ថកិច្ច នៃកងរាជអាវុធហត្ថស្រុកអង្គរជុំ បានព្យាយាមរារាំងមិនឲ្យអ្នកសារព័ត៌មាន ទូរទស្សន៍ ក៏សែត ថតដើម្បីយកព័ត៌មាននោះទេ ដោយពុំព្រមប្រាប់មូលហេតុច្បាស់លាស់នោះទេ ធ្វើឲ្យអ្នកសារព័ត៌មាន ខកដំណើរ ខណៈពេលដែលបានធ្វើដំណើរ ជិត៥០គីឡូម៉ែត្រ តែបែរជា លោក មេបញ្ជាការពុំព្រមឲ្យថត មិនខុសពីដំរីស្លាប់ចង់យកចង្អេរមកបាំង នោះទេ ។
ដោយ ស៊ាន សុផាត និង ខេង ឧត្តម
