ឧត្តរមានជ័យ៖កាលពីវេលាម៉ោង៥និង១០នាទីល្ងាច ថ្ងៃទី៤ ខែមករា ឆ្នាំ២០១៦ កម្លាំងអធិការដ្ឋាននគរបាលស្រុកអន្លង់វែង បានស្រាវជ្រាវបង្ក្រាបចាប់ឃាត់ខ្លួន ជនសង្ស័យម្នាក់ នៅចំណុចភូមិអូរតាមែង ឃុំអន្លង់វែង ស្រុកអន្លង់វែង ខេត្តឧត្តរមានជ័យ។លោកវរសេនីយ៍ទោស៊ីម
វណ្ណះ អធិការនគរបាលស្រុក បានអោយដឹងថា ជនសង្ស័យម្នាក់ ដែលកម្លាំងយើងចាប់ឃាត់ខ្លួន ពីបទឆបោកនិងរំលោភលើទំនុកចិត្តនោះ មានឈ្មោះកែវ រតនា ភេទប្រុសអាយុ២៣ឆ្នាំ រស់នៅភូមិឈ្មួ ឃុំបុស្សស្បូវ ស្រុកព្រះនេត្រព្រះ ខេត្តបន្ទាយមានជ័យ មុខរបរមិនពិតប្រាកដ ដែលបានធ្វើសកម្មភាព ឆបោកនិងរំលោភលើទំនុកចិត្ត នៅស្រុកអន្លង់វែងនិងខេត្តឧត្តរមានជ័យ ជាច្រើន ករណី មកហើយ។លោកវរសេនីយ៍ទោ ស៊ីម វណ្ណះ អធិការនគរបាលស្រុក បានបន្តឲ្យដឹងទៀតថា កាលដែលចាប់ឃាត់ខ្លួនជនសង្ស័យរូបនេះ សមត្ថកិច្ចប៉ូលិសយើង បានដកហូតវត្ថុតាងម៉ូតូ២គ្រឿង ម៉ាកហុងដាឌ្រីម សេរី២០១៥ នៅពេលបច្ចុប្បន្ន កំពុងឃាត់ខ្លួនសាសួរ នៅអធិការដ្ឋាននគរបាលស្រុកអន្លង់វែង៕
