ខេត្តកំពត៖ ការកាប់បំផ្លាញព្រៃឈើដើម្បីធ្វើអាជីវកម្មខុសច្បាប់ពីសំណាក់ឈ្មួញដែលធ្លាប់តែ
ធ្វើសកម្មភាពកន្លងមកនៅតាមភ្នំក្នុងភូមិសាស្ត្រទឹកដីខេត្តកំពតបច្ចុប្បន្ននេះគឺគ្មានឈើកាប់បំ
ផ្លាញទៀតទេ គឺដោយសារតែព្រៃឈើក្នុងទឹកដីខេត្តមួយនេះគ្មានសល់ឈើដែលច្បាប់ត្រូវហាមឃាត់ដូចកាលពីប៉ុន្មានឆ្នាំមុននោះទេ ដោយសារស្នាដៃពួកឈ្មួញរកស៊ីឈើខុសច្បាប់មានការឃុបឃិតជាមួយស្ថាបន័ពាក់ពន្ឋ័ជាពិសេសស្ថាបន័ពីរគឺ រដ្ឋបាលព្រៃឈើនិងបរិស្ថានតែម្តង។
ដោយកន្លងមកភ្នំដែលមានប៉ុន្មានក្នុងទឹកដីខេត្តកំពត ក្រោយថ្ងៃរំដោះ៧មករាឆ្នាំ១៩៧៩គេ
ឃើញឈើគ្រប់ប្រភេទរួមទាំងឈើប្រណិត ដូចជាធ្នង់ ក្រញូង គគីរ ឈើទាល បីសន្លឹក។ល។
ឈើទាំងអស់នេះពីដើមតរៀងមកនៅតាមភ្នំនានានៅក្នុងទឹកដីខេត្តកំពតគឺពុំមានបុគ្គលណា
មួយហ៊ានកាប់បំផ្លាញដើម្បីធ្វើអាជីវកម្មខុសច្បាប់នោះទេ ទើបតែសមយ័បច្ចុប្បន្ននេះទេមាន
អ្នកកាប់បំផ្លាញអស់គ្មានសល់ដោយសារតែឈ្មួញរកស៊ីខុសច្បាប់ឃុបឃិតជាមួយមន្ត្រីជំនាញខាងរដ្ឋបាលព្រៃឈើនិងមន្ត្រីបរិស្ថាន។ ពីព្រោះស្ថាបន័ទាំងពីរនេះ តែងតែមានដាក់កំលាំងឲ្យ
ប្រចាំការ ការពារនិងបង្ក្រាបរាល់ការកាប់បំផ្លាញព្រៃឈើនៅតាមតំបន់ព្រៃភ្នំតាំងពីមានឈើគ្រប់
ប្រភេទនៅតាមបណ្តាភ្នំនានានៅក្នុងទឹកដីខេត្តកំពត រហូតមកដល់បច្ចុប្បន្ននេះភ្នំទាំងអស់នោះ
នៅសល់កូនឈើតូចនិងស្មៅតែប៉ុណ្ណោះ។ បច្ចុប្បន្នភ្នំដែលមានឈើនៅសល់ខ្លះៗគឺមានតែជួរ
ភ្នំកំចាយ បូកគោតែប៉ុណ្ណោះ ប៉ុន្តែក៍នៅមានជនទុច្ចរិតឆ្លៀតឱកាសលួចចូលទៅកាប់ធ្វើអាជីវ
កម្មដោយអំពើឃុបឃិតរាល់ថ្ងៃខ្លះៗដែរ។ ដោយសារតែឈើនៅតាមភ្នំក្នុងទឹកដីខេត្តកំពតអស់
បទល្មើសការរកស៊ីឈើខុសច្បាប់ពីខេត្តផ្សេងក៍នៅមានចរាចរឆ្លងកាត់ខេត្តកំពតជាប់ជារៀង
រាល់ថ្ងៃដែរ។ តាមប្រភពពត៌មានពីប្រជាពលរដ្ឋបានរាយការគឺមានឈ្មួញរកស៊ីឈើខុសច្បាប់
ដែលដឹកតាមរថយន្តទួរីសនិងរថយន្តកូរ៉េឆ្លងកាត់ខេត្តកំពត មានមកពីខេត្តកោះកុង និងខេត្ត
កំពង់ស្ពឺ បើមកពីខេត្តកោះកុងគឺដឹកដាក់តាមដេប៉ូមួយចំនួនក្នុងទីរួមខេត្តកំពតនិងស្រុកបន្ទាយ
មាសឬស្រុកអង្គរជ័យ បើចេញមកពីខេត្តកំពង់ស្ពីច្រើនតែនាំចូលតាមច្រកតន់ហន់ចូលទៅប្រ
ទេសវៀតណាម។តាមប្រភពពីអ្នករកស៊ីឈើខុសច្បាប់ទាំងនោះឲ្យដឹងថាៈ មូលហេតុខ្លួនហ៊ាន
ដឹកឈើកាត់ទឹកដីខេត្តកំពតគឺដោយសារខ្លួនបានបង់ខែឲ្យជំនាញរដ្ឋបាលព្រៃឈើតាមលំដាប់
លំដោយអស់ទៅហើយ មានទាំងអ្នកកាសែតម្នាក់ដែលគេអះអាងថា ជាមេកាសែតក្នុងខេត្តកំ
ពតនេះទៀតផង។ ជុំវិញបទល្មើសករណីឈើខុសច្បាប់ខាងលើ ភ្នាក់ងារយើងមិនអាចសុំការ
បំភ្លឺពីលោកជួន សារ៉ានាយរងខណ្ឌ័រដ្ឋបាលព្រឈើបានទេដោយរកលេខទំនាក់ទំនងមិនបាន៕
