កំពង់ធំ =បើកគេហទំព័ត៌ថ្មីក្នុងឆ្នាំ២០១៦ សមត្ថកិច្ចនៃស្នងការនគរបាលខេត្តកំពង់ធំ នៃការិយាល័យបង្ក្រាបគ្រឿងញៀន ដឹកនាំដោយលោក អ៊ុត សុធា ព្រះរាជអាជ្ញាអមសាលាដំបូង ខេត្តកំពង់ធំ សហការជាមួយលោក ញុញ សាវ៉ន នាយផ្នែកការិយាល័យប្រឆាំងគ្រឿងញៀនចុះបង្ក្រាបទីតាំសំបុកចែកចាយគ្រឿង ញៀន១៥នាក់ នៅភូមិសាស្ដ្រព្រំប្រទល់ទឹកដីស្រុកសន្ទុក និងស្រុកបារាយណ៍ ក្នុងខេត្តកំពង់ធំ។
សមត្ថកិច្ចនៃការិយាល័យប្រឆាំងគ្រឿងញៀន បានឲ្យដឹងថា មុនឈានដល់ការបង្ក្រាបមុខសញ្ញា ចែកចាយគ្រឿងញៀននេះ គឺសមត្ថកិច្ចបានប្រើនុយទូចស្ទូចត្រីធំជាធ្នាក់ ហើយបានឈានដល់ការចាប់អ្នកចែកចាយ និងប្រើប្រាស់ គ្រឿងញៀនបានចំនួន ១៥នាក់ កាលពីរសៀលថ្ងៃទី ៧ ខែមករា ឆ្នាំ ២០១៦ ដោយឡែកជនសង្ស័យទាំង១៥នាក់ ត្រូវបានស្គាល់ឈ្មោះ ទី១ ឌិត ហេង ទី២ ម៉ិត ធីទី៣ យ៉ែម រ៉ាទី៤ យុនសំអនទី៥ រ៉ុមភារម្យ ទី៦ សួស ថា ទី៧ ទាលសុអុល ទី៨ វ៉ាន កក្ដដា ទី៩ ង៉ែត វុទ្ធី ទី១០ ឃុន វណ្ណាទី១១ លីតុលា ទី១២ អ៊ឹម ភី ទី១៣ ហ៊ុយ សុហួរ ទី១៤ទី១៥ ចរិយា ទាំងអស់គ្នារស់នៅក្នុងស្រុកសន្ទុកនិងស្រុក បារាយណ៍ ត្រូវបានបញ្ចូនមក ស្នងការនគរបាលខេត្តកំពង់ធំ ដើម្បីកសាងសំនុំរឿងបញ្ចូននៅថ្ងៃទី ៨ ខែមករា ឆ្នាំ២០១៦ ទៅតុលាការចាត់ការទៅតាមច្បាប់។
លោកវរៈសេនីយ កែវ សុផល ស្នងការរងទទួលបន្ទុក ប្រឆាំងបទល្មើសគ្រឿងញៀន បានអោយដឹងថា ជាគោលការណ៍ របស់ឯកឧត្តម អ៊ុត សំអន អភិបាល នៃគណៈអភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្ត ក៏ដូចជាលោក ឧត្តមសេនីយ៍ត្រី ជូ សំអាន ស្នងការនគរបាលខេត្តកំពង់ បានជម្រុញឲ្យកម្លាំង និងប្រជាពលរដ្ឋគ្រប់ស្រុកក្រុង សហការជាមួយសមត្ថកិច្ចផ្តល់ព័ត៌មាន ផ្តល់អត្តសញ្ញាណ របស់ជនសង្ស័យ ដែលកំពុងតែធ្វើសកម្មភាព នៅក្នុងមូលដ្ឋាន មកសមត្ថកិច្ច ដើម្បីចុះបង្ក្រាប់បទល្មើសគ្រប់ប្រភេទ អោយទាល់តែអស់ដើម្បីការពារសុខ សុវត្តិភាពរបស់ប្រជាពលរដ្នក្នុងភូមិឃុំ តាមគោលការណ៍របស់រាជរដ្ឋាភិបាលដែលចង់បាននូវសុវត្តិភាពភូមិឃុំ ទាំង ៩ចំនុច ដើម្បីសេចក្តីសុខរបស់ប្រជាពលរដ្ឋ ។
ប្រជាពលរដ្ឋអបអរសារទរ ចំពោះការខិតខំប្រឹងប្រែងរបស់ លោក អ៊ិត សុធា ព្រះរាជអាជ្ញាខេត្តកំពង់ធំ និងសមត្ថកិច្ចជំនាញបង្ក្រាបបទល្មើស ដែលអាចបំបែកសំបុកគ្រឿងញៀនបាន ដោយសារកន្លងមកនេះ បញ្ហា គ្រឿងញៀនជាចំនុចសរសើបរបស់សង្គម អាចទាក់ទាញឲ្យយុទ្ធជន យុទ្ធនារី ធ្លាក់ខ្លួនទៅក្នុងឧប្បាយកល របស់មេក្លោងក្នុងការប្រើប្រាស់គ្រឿងញៀន ។
ដោយ ប៊ុន រដ្ឋា