ព្រៃវែង៖ ផ្លូវលំភូមិព្រែកជ្រៃលើស្ថាបនាទើបបាន55%ក៍ប៉ុន្តែបែរជាថវិកាត្រូវបានដកប្រគល់ឲ្យអ្នកម៉ៅការអស់100%សមាជិកក្រុមប្រឹក្សា ឃុំ សង្កាត់ឃុំព្រែកជ្រៃ ក្រុមប្រឹក្សាស្រុក ពោធិរៀង ស្ទើរតែទាំងអស់បានតវ៉ាលើករណីស្ថាបនាផ្លូវលំប្រវែង1647ម៉ែត្រ ជាគម្រោងជួសជុលផ្លូវលំដី(ស ) ចំណាយថវិកាសរុប75 លាន 6សែន មួយពាន់ប្រារយរៀល ស្ថាបនាទើបបាន55% ក៍ប៉ុន្តែម្ចាស់គម្រោងដកយកថវិកា100%ប្រគល់ឲ្យអ្នកម៉ៅការ។
មន្ត្រី ក្ម្រប្រឹក្សាឃុំ ក្រុមប្រឹក្សាស្រុកបានប្រាប់អ្នកយកពត៌័មានថាផ្លូវនេះពេលដាក់ដេញថ្លៃ ថវិកា77លានរៀល ហើយ ក្រុមហ៊ុន លោក យស ស៊ីណាត អភិបាលរងស្រុកពារាំងជាអ្នកដេញថ្លៃបាន ជាង75លាន ហើយស្ថាបនា ជាង1
ពាន់ 6រយម៉ែត្រ ខ្នងលើ5ម៉ែត្រ ហើយសប្តាហ៍កន្លងមកនេះ គណកម្មការ លទ្ធកម្មស្រុកពោធិរៀង ខេត្តព្រៃវែង បានចុះពិនិត្យ ឃើញថា ផ្លូវនេះធ្វើទើបតែបាន55% ក៍ប៉ុន្តែបែរជា លោកអភិបាលស្រុកជាម្ចាស់គម្រោងដកយកលុយនោះ100% ឲ្យអ្នកម៉ៅការ ខុសច្បាប់នៃការដេញថ្លៃ ដោយផ្លូវនោះកន្លែងខ្លះ ត្រូវចាក់ដី (ស)កំពស់1ម៉ែត្រ តែជាក់ស្តែងមិនបានចាក់ដល់កំរិតនោះទេ ហើយខ្នងលើប្រាំម៉ែត្រ តែជាក់ស្តែងកន្លែងខ្លះទើបតែធ្វើបានទទឹងជាងបីម៉ែត្រប៉ុណ្ណោះ។
ពួកគាត់បន្តថា ផ្លូវនេះធ្វើបណ្តើប្រះបែកបណ្តើរ ដោយសារមិនមានគ្រឿងចក្រគ្រប់គ្រាន់កិនបង្ហាប់ដីនោះទេ ហើយតាមរយការចុះពិនិត្យមើលមិនរំពឹងថាផ្លូវនេះជាប់បានយូរទេ ។
ជុំវិញលើការចោទប្រកាន់ ថាផ្លូវទើបស្ថាបនាបាន55%តែដកលុយគម្រោង100%ឲ្យអននកម៉ៅការអស់នោះ ម្ចាស់គម្រោងលោក ម៉ៅ គឹមឡុងអភិបាលស្រុកពោធិរៀង ខេត្តព្រៃវែងបានឆ្លើយតបថា គណកម្មការលទ្ធកម្មបានចុះពិនិត្យហើយវាយតម្លៃថាបានស្ថាបនា55%មែន ក៍ប៉ុន្តែជុំវិញការដកលុយ100%នោះ លោកមិនបានដឹងទេ។
ចំណែកឯ មន្ត្រីសាលាស្រុកលួចបង្ហើបថា ការដកលុយនោះពិតជាលោកអភិបាលស្រុកដកយកចេញ100%មែនមូលហេតុដោយសារគាត់ដើមឆ្នាំនេះចូលនិវត្តន៍ហើយ ទើបគាត់ធ្វើបែបនេះ។