ភ្នំពេញ បុរសម្នាក់បានស្លាប់ភ្លាមៗនៅកន្លែងកើតហេតុខណះរូបគាត់ជិះម៉ូតូសេ១២៥ហើយត្រូវបានម៉ូតូសណ្តោងរ៉ឺមកកង់បីបើកបញ្ច្រាស់ទិសចរាចរណ៍ក្នុងល្បឿនលឿនជ្រុលបុកចំពីមុខពេញទំហឹងហើយជិះរត់គេចបាត់។
ហេតុការណ៍នេះបានកើតឡើងកាលពីវេលាម៉ោង៩និង៥០នាទីយប់ថ្ងៃទី១២ ខែមករាឆ្នាំ២០១៦ នៅចំណុចមុខផ្ទះលេខ៤០Eo តាមបណ្តោយផ្លូវលេខ៦៣ ស្ថិតក្នុងសង្កាត់ផ្សារថ្មីទី៣ ខណ្ឌដូនពេញ។
ជនរងគ្រោះត្រូវបានគេស្គាល់ឈ្មោះសេង សុផល ភេទប្រុសអាយុ៤៥ឆ្នាំ មុខរបរត់ម៉ូតូឌុប សង្កាត់បឹងរាំង ខណ្ឌដូនពេញ។ មានស្រុកកំណើតខេត្តព្រៃវែង។
តាមសាក្សីនៅកន្លែងកើតហេតុបានអោយដឹងថានៅមុនពេលកើតហេតុគេបានឃើញជនរងគ្រោះជិះម៉ូតូម៉ាកឌ្រឹមសង់សេរីឆ្នាំ២០១២ ពណ៌ក្រហម ពាក់ស្លាកលេខភ្នំពេញ1BL 3696 ធ្វើដំណើរតាមបណ្តោយផ្លូវលេខ៦៣ ក្នុងទិសដៅពីត្បូងទៅជើងក្នុងល្បឿនលឿនល្មមខណះមកដល់ចំណុចកើតហេតុស្រាប់តែមានម៉ូតូសណ្តោងរ៉ឺម៉កកង់បី មួយគ្រឿងមិនចាំស្លាកលេខធ្វើដំណើរបញ្ច្រាស់ទិសចរាចរណ៍ក្នុងល្បឿនលឿនក៏ជ្រុលបុកម៉ូតូជនរងគ្រោះចំពីមុខពេញទំហឹងបណ្តាលអោយម្ចាស់ម៉ូតូដួលបោកក្បាលស្លាប់ភ្លាមៗនៅកន្លែងកើតហេតុ។ សាក្សីដដែលបានបន្តថាបន្ទាប់ពីបុកម៉ូតូរួចរ៉ឺម៉កកង់បីក៏បន្តដំណើរជិះគេចខ្លួនបាត់ស្រមោលតែម្តង។
ក្រោយពេលកើតហេតុសមត្ថកិច្ចមូលដ្ឋានបានចុះមកដល់ចំណុចកើតហេតុនិងទំនាក់ទំនងទៅក្រុមគ្រួសារមកទទួលយកទៅធ្វើបុណ្យតាមប្រពៃណីចំណែកម៉ូតូត្រូវសមត្ថកិច្ចធ្វើការវាស់វែងយកទៅរក្សាទុកបណ្តោះអាសន្ន។