កំពង់ស្ពឺ ៖ រឿងដ៍ចំឡែកមួយដែលកម្រនៅជួបប្រទះទរកទើបតែអាយុ៨ខែមិនទាន់ចេះដើរផងនោះបែជាត្រូវលង់ទឹកត្រពាំងស្លាប់យ៉ាងអាណោចអាធម្មបំផុត ករណីទារកលង់ទឹកស្លាប់នេះ បានកើតមានឡើង កាលពីវេលាម៉ោង១០ និង៣០នាទីព្រឹក ថ្ងៃទី២០ ខែមករា ឆ្នាំ២០១៦ ស្ថិតក្នុងត្រពាំងទឹក នៅភូមិព្រៃបេង ឃុំស្គុះ ស្រុកសំរោងទង ខេត្តកំពង់ស្ពឺ ។
សមត្ថកិច្ចបានប្រាប់ថា ក្មេងរងគ្រោះមានឈ្មោះឃឿន វីរ: (អូនណែម) ភេទស្រីអាយុ ៨ខែប៉ុណ្ណោះ ។
សមត្ថបន្តថា មុនពេលកើតហេតុស្ត្រីឈ្មោះអែម សំអូន ភេទស្រី អាយុ ៤៥ឆ្នាំ មានទីលំនៅភូមិព្រៃបេង ឃុំស្គុះ ស្រុកសំរោងទង បានយកចៅ ទៅស្រោច និងដាំត្រគួននៅ ខាងក្រោយផ្ទះចម្ងាយ ២០ម៉ែត្រ ជាមួយនៅពេលទៅដល់កន្លែង ដាំត្រកួន ខ្លួនបានទុកចៅអង្គុយលេងក្បែនោះ បន្ទាប់ពីដាំត្រកួនរួចជីដូនបានដើរមករកងូតទឹកនៅផ្ទះវិញ ។
ប្រភពបន្តថា បន្ទាប់ពីងូតទឹករួចរាល់បានដើរត្រឡប់មកយកចៅអត់ឃើញក៍រក ស្រាប់តែប្រទះឃើញចៅខ្លួន បានលង់ទឹកថ្លុកក្បែរនោះស្លាប់ ករណីនេះជារឿងមួយយ៉ាងចំណែកដែលទារកទើបតែអាយុ៨ខែមិនទាន់ចេះដើរផងបែរជាលង់ទឹកត្រពាំងស្លាប់មិនគួរឱ្យជឿ ប៉ុន្តែ
ក្រុមក្រួសារបានទទួលស្គាល់ថាកូនរបស់ខ្លួនលង់ទឹកស្លាប់ពិតប្រាកដមែន ។
ជុំវិញករណីនេះទារករងគ្រោះអាចពេលដែលយកចៅទៅស្រោច និងដាំត្រកួនទុកចោលមិនបានមើល និងដើរទៅងួតទឹកនៅផ្ទះទើបចៅវាធ្លាក់ក្នុងទឹកត្រពាំងស្លាប់បែបនេះ ។ ភ្នំស្រួច