(រូបភាព វីដេអូ )ជិត១៣ឆ្នាំក្រោយការវាយប្រហារភេរវ កម្មក្រុងញូវយ៉កត្រូវបើកសម្ពោធនាថ្ងៃទី១៥ ឧសភា ដោយមានវត្តមានរបស់លោកប្រធានាធិបតី បារា៉ក់ អូបាមា៉ នូវសារមន្ទីរ១១ កញ្ញា ជាគម្រោងដ៏រសើបបំផុតកំណត់តាមរយៈសង្គ្រាមបា៉កា និងការចរចាគ្នាដោយលំបាកទាំងឡាយ ។
ជាមួយការយឺតយា៉វរយៈពេល៣ឆ្នាំ សារមន្ទីរនោះកសាងលើទីតាំងអគារមជ្ឈមណ្ឌលពាណិជ្ជកម្មពិភពលោក WTC នឹងត្រូវបើកឱ្យសាធារណជនចូលទស្សនាចាប់ពីថ្ងៃទី២១ ឧសភា ទៅក្រោយ ពីរយៈពេល៦ថ្ងៃសម្រាប់តែបណ្តាសាច់ញាតិគ្រួសារជនរងគ្រោះ ពួកអ្នកនៅរួចរស់រានមានជីវិត បណ្តាអ្នកជិតខាង និងបណ្តាក្រុមជួយសង្គ្រោះ ។
លោក អូបាមា៉ អមដោយភរិយា លោកស្រី មីសែល នឹងថ្លែងពេលបើកសម្ពោធនាព្រឹកថ្ងៃទី១៥ ឧសភា រួចហើយនឹងទស្សនាសារមន្ទីរ ។ សារមន្ទីរក្រោមដីនោះមាន៧ជាន់ និងមានទំហំ១០២១០ម៉ែត្រក្រឡា ដោយការកសាងមានការយឺតយា៉វមកពីបញ្ហាហិរញ្ញវត្ថុ ។
អ្នកចូលទស្សនាគ្រោងឱ្យបង់ប្រាក់ម្នាក់២៥ដុល្លារជាតម្លៃមួយដែល មនុស្សមួយចំនួនយល់ថាខ្ពស់ ។ គេអាចទស្សនារបស់របរផ្ទាល់ខ្លួនជាច្រើនពាន់របស់បណ្តាជនរង គ្រោះ បណ្តាឯកសារជាវីដេអូ ព្រមទាំងឯកសារឯទៀតៗ ជណ្តើរដែលអ្នកនៅរស់រានមានជីវិតច្រើនរយនាក់ចុះ ពិសេសសរសរដែក២ដែលនៅសល់ក្នុងការវាយប្រហារភេរវកម្មថ្ងៃទី១១ កញ្ញា ឆ្នាំ២០០១ ៕