កំពង់ស្ពឺ=យុវជនម្នាក់ត្រូវឃាដករបានបាញ់ចំនួន ៦គ្រាប់ហើយបានហោះមកចំ ក្បាលនិងខ្លួនប្រម៉ានជា៣គ្រាប់គ្រាដែលយុវជននោះបានទៅពន្លត់ភ្លើងដែលគេសង្សយ័ថាមានមនុស្សលួចដុតខ្ទមធ្វើពីឈើប្រកស្បូវ នៅលើដីដែលមានទំនាស់ដ៏សែនមហារាំរ៉ៃ និងស្មុគស្មាញគ្មានអ្វីប្រៀប របស់អ្នកស្រុកភ្នំស្រួច គឺដីក្រុមហ៊ុន អ៊ុក ឃុន អភិវឌ្ឍន៏ដំណាំឧស្សាហកម្ម ។
ករណីកើតការបាញ់ប្រហាគ្នានេះបានកើតឡើង នៅម៉ោង ៨និង៤៥នាទី យប់ថ្ងៃទី ២៧ ខែមករា ឆ្នាំ២០១៦ នៅចំណុចភូមិទី ១ ឃុំត្រែត្រយឹង ស្រុកភ្នំស្រួច ខេត្តកំពងស្ពឺ ។ជនរងគ្រោះក្នុងហេតុការណ៏ត្រូវបានគេដឹងថាមិនមែនជាមនុស្សរស់នៅក្នុងស្រុកកើតហេតុទេតែជាមនុស្សមកស៊ីឈ្នួលយាមដីឲ្យគេ មានឈ្មោះ ស៊ុន ដាវីត ភេទប្រុសអាយុ ១៨ឆ្នាំរស់នៅភូមិអណ្តូងថ្មី សង្កាត់គោករកា ខណ្ឌព្រែកព្នៅ រាជធានីភ្នំពេញ បច្ចុប្បន្នរស់នៅភូមិឃុំកើតហេតុដោយមកស៊ីឈ្នួលគេ ។
តាមសាក្សីនៅកន្លែងកើតហេតុខ្លៈបាននិយាយប្រាប់ថា មុនកើតហេតុក្រុមអ្នករស់នៅក្នុងដីក្រុមហ៊ុនដំណាំឧស្សាហកម្ម អ៊ុក ឃុន បានឃើញមានភ្លើងបានឆាបឆេះខ្ទម នៅខាត្បូងក៏បាននាំគ្នារត់ទៅពន្លត់ ។តែពេលរត់ទៅពន្លត់ជនរងគ្រោះឈ្មោះ ដាវីត បានរត់ដល់មុនគេ ហើយកំពង់តែពន្លត់ភ្លើងក៏មានស្នូរកាំភ្លើងបាញ់រៈស្រោចចំនួន៦គ្រាប់ ។
សាក្សីបានបន្តថាក្រោយពីស្ងប់សម្លេងបាញ់អ្នករស់នៅទីនោះជាច្រើនបាននាំគ្នារត់ទៅមើលក៏បានឃើញ ជនរងគ្រោះបានដេកស្លាប់នៅនិង កន្លែងបាត់ទៅហើយ ចំណែកជនល្មើសជាខ្មាន់កាំភ្លើងបានរត់គេចខ្លួនបាត់ដែរ ។
លោកវរសេនីយ៏ឯក សម សាក់ នាយការិយាលយ័ព្រហ្មទណ្ឌកម្រិតធ្ងន់ខេត្តបានឲ្យដឹងថា ពេលនេះក្រុមការងារធ្វើកោសលវិច្ចយ័កំពង់ស្វែងរកភស្តាងនៅជាប់និងខ្លួនជនរងគ្រោះពីការបាញ់ប្រហានេះ ដោយលោកមិនទាន់ហ៊ានអៈអាងអំពីការបាញ់សម្លាប់នេះថាមានប៉ុន្មានគ្រាប់ទេ តែបើតាមសាក្សីអ្នកភូមិបានឭស្នូរបាញ់មិនតិចជាង៦គ្រាប់ទេ ។
នាយការិយាលយ័បានបន្តថា បើផ្នែកតាមដំណើររឿងករណីនេះអាចជារឿងគំនុំច្រើនជាងការសងសិក ឬប្លន់អ្វីមួយ ។
រឿងរ៉ាវទនាស់ដីរបស់ក្រុមហ៊ុនអភិវឌ្ឍន៏ដំណាំ ឧស្សាហកម្ម ខាងលើបានមានទំនាស់គ្នាយ៉ាងស្រួចស្រាវ រវាងម្ចាស់ដីឯកជនមួយនិងម្ចាស់ក្រុមហ៊ុន ដែលជាញឹកញាប់ទាំងអាជ្ញាធរស្រុក ខេត្តមានការឈឺក្បាលយ៉ាងខ្លាំងដោយតែក្រុមទាំងនេះលេចចេញជាបាតុភាពដាក់គ្នា ជាច្រើនដងហើយពេលខ្លៈបានក្លាយជាអំពើហឹង្សាថែមទៀត ។ ជាក់ស្តែងមានករណីខ្លៈបានវាយប្រហាមកលើសមត្ថកិច្ចទាំងកាយវិការ និងកំលាំងបាយ បើគ្រាន់តែក្រុមសមត្ថកិច្ចចុះធ្វើការសម្របសម្រួលក៏ដោយ ។ ការវិឌ្ឃន៏ចុងក្រោយរឿងរ៉ាវនេះបានឈានដល់ ស៊ីសាច់ហុតឈាមដោយលែងចង់ស្តាប់អាជ្ញាធរ និងបានលើកគ្នាសង់ជាខ្ទម រាយពេញដី ហើយជាញឹកខ្ទមដែលត្រូវដឹងថាមនុស្សត្រូវគេជួលនោះបានប្រើហឹង្សាដាក់គ្នាជាញឹកញាប់ បន្ថែមការពិបាកដោះស្រាយគ្នាបន្ថែមទៀត ខណៈអាជ្ញាធរកំពង់ដោះស្រាយរឿងចាស់មិនទាន់ចប់ផង ។ចុងក្រោយក៏បានលេចចេញករណីបាញ់ប្រហាគ្នានៅក្នុងដីក្រុមហ៊ុននេះ ឈានដល់អំពើហឹង្សាយ៉ាងធ្ងន់ធ្ងរទម្លាក់បន្ទុកមកលើអាជ្ញាធរ និងសមត្ថកិច្ច ៕ ដោយ ភ្នំស្រួច 
